ନୂଆଦିଲ୍ଲୀ: କଠୋରପନ୍ଥୀ ଇସଲାମିକ୍ ଆତଙ୍କବାଦୀଙ୍କ ବିରୋଧରେ ମିଳିମିଶି ଲଢେଇ କରିବେ ଭାରତ ଓ ଆମେରିକା । ଆଜି(ମଙ୍ଗଳବାର) ଏପରି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।
ଭାରତ ଗସ୍ତର ଦ୍ବିତୀୟ ଦିନରେ ଟ୍ରମ୍ପ କହିଛନ୍ତି,‘ ଆମେ ମିଶି କଠୋରପନ୍ଥୀ ଇସଲାମିକ୍ ଆତଙ୍କବାଦୀଙ୍କ ବିରୋଧରେ ଲଢିବୁ ।’ ସୂଚନା ଥାଉକି, ଦୁଇ ଦିନିଆ ଭାରତ ଗସ୍ତରେ ଆସିଥିବା ଟ୍ରମ୍ପ ଦମ୍ପତି ଆଜି ଦ୍ବିତୀୟ ଦିନରେ ପ୍ରଥମେ ରାଷ୍ଟ୍ରପତି ଭବନ ଯିବା ସହ ପରେ ରାଜଘାଟ ଯାଇ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧା ସୁମନ ଅର୍ପଣ କରିଛନ୍ତି ।