ରାୟପୁର: ସାରାବିଶ୍ବରେ ଏବେ କୋରୋନା ଭଳି ମହାମାରୀ ବ୍ୟାପିଥିବା ବେଳେ ଲୋକମାନଙ୍କୁ ପରିସ୍କାର ପରିଚ୍ଛନ ରହିବାକୁ ସଚେତନ କରାଯାଉଛି । କିନ୍ତୁ ଏବେ ବି କିଛି ଲୋକ ପିଇବାକୁ ପାଣି ନ ପାଇ ଦୂଷିତ ଜଳ ପିଇବାକୁ ବାଧ୍ୟ ହେଉଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଛତିଶଗଡ଼ ଦନ୍ତେୱାଡାର ପାଖନାଚୁଆ ଗ୍ରାମରେ ।
ନିକଟରେ ପାଖନାଚୁଆ ଏକ ନୂତନ ଗ୍ରାମ ପଞ୍ଚାୟତ ପାଲଟିଛି, ଯାହା ଦନ୍ତେୱାଡା ଜିଲ୍ଲା ମୁଖ୍ୟାଳୟଠାରୁ ପ୍ରାୟ 50 କିଲୋମିଟର ଦୂରରେ ଥିବା ବଡେଗୁଡାର ଗ୍ରାମ ପଞ୍ଚାୟତ ଠାରୁ ଅଲଗା ହୋଇଛି । ନୂତନ ପଞ୍ଚାୟତ ଗଠନ ପରେ ମଧ୍ୟ ପାଖନାଚୁଆର ଗ୍ରାମବାସୀଙ୍କୁ ବିଶୁଦ୍ଧ ପାନୀୟ ଜଳ ପାଇଁ ସଂଘର୍ଷ କରିବାକୁ ପଡୁଛି ବୋଲି ସେମାନେ କହିଛନ୍ତି । ଏଠାରେ ଥିବା ଗ୍ରାମବାସୀ ଦୁଇଟି ଭୂତଳ ଜଳ ଉତ୍ସ ଉପରେ ନିର୍ଭରଶୀଳ । ବହୁ ବର୍ଷ ଧରି ଏହି ଗ୍ରାମବାସୀ ବୃତଳ ଜଳକୁ ପାନୀୟ ଜଳ ଭାବରେ ବ୍ୟବହାର କରି ଆସୁଛନ୍ତି, ହେଲେ କେହି ଜଣେ ହେଲେ ବି ସେଠାକୁ ଯାଞ୍ଚ କରିବାକୁ ଆସନାହାନ୍ତି ବୋଲି ଜଣେ ଗ୍ରାମବାସୀ କହିଛନ୍ତି ।