ବର୍ଣ୍ଣାଲ: ମଣିଷ ଓ ପୁସ୍ତକ ମଧ୍ୟରେ ରହିଥିବା ବ୍ୟବଧାନକୁ ବଢାଇ ଦେଇଛି ଆଧୁନିକତା । ମୋବାଇଲ କ୍ରାନ୍ତି ଲୋକଙ୍କ ଜ୍ଞାନ ବଢାଇଛି ସତ , ହେଲେ ମାନବ ଜୀବନରେ ପୁସ୍ତକର ମହତ୍ବ ଓ ସ୍ଥାନ ସ୍ବତନ୍ତ୍ର । ବିଡମ୍ବନା କି, ଆଜିର ଯୁବପୀଢି ପୁସ୍ତକରୁ ଦୂରେଇ ଯାଇ ମୋବାଇଲ ଫୋନରେ ଅତିବାହିତ କରୁଛନ୍ତି ଅଧିକ ସମୟ । ହେଲେ ଏହି ସ୍ରୋତରୁ ସ୍ବତନ୍ତ୍ର ହୋଇ ବର୍ଣ୍ଣାଲର ଦିୱାନ ଗାଁର ଏକ ଯୁବଗୋଷ୍ଠୀ ପୁସ୍ତକ ଓ ଲୋକଙ୍କ ମଧ୍ୟରେ ଥିବା ଦୂରତାକୁ କମାଇବାକୁ ଗ୍ରହଣ କରିଛନ୍ତି ଏକ ପ୍ରଂଶସନୀୟ ପଦକ୍ଷେପ । ସେମାନେ ଶହୀଦ କରତାର ସିଂହ ସରଭାଙ୍କ ନାଁରେ ଖୋଲିଛନ୍ତି ଏକ ଲାଇବ୍ରେରୀ ।
ଆଉ ଏଠାରେ ଲୋକଙ୍କୁ ଭଳିକି ଭଳି ପୁସ୍ତକ ଉପଲବ୍ଧ କରାଯାଉଛି, ଯେପରି ସେମାନଙ୍କ ପୁସ୍ତକ ପଢିବା ଅଭ୍ୟାସ ଆରମ୍ଭ ହେବ । ଏହା ବ୍ୟତିତ ଗାଁ କାନ୍ଥଗୁଡିକରେ ରଙ୍ଗୀନ ଚିତ୍ର ସବୁ କରାଯାଇ ପୁସ୍ତକ ପଢିବାର ଗୁରୁତ୍ବକୁ ଦର୍ଶାଯାଇଛି । ଯାହା ଦ୍ବାରା ଲୋକ ପୁସ୍ତକାଳୟ ଆଡକୁ ଆକର୍ଷିତ ହୋଇପାରିବେ ।
ମହାନ ଲେଖକ ଓ କବିମାନେ ଯାହା ସବୁ ଲେଖିଛନ୍ତି , ତାକୁ ଚିତ୍ର ସହ ଉଲ୍ଲେଖ କରି ପୁସ୍ତକର ଗୁରୁତ୍ବକୁ ଦର୍ଶାଯାଇଛି । କାନ୍ଥରେ କବି ପାଶ ଙ୍କ କ୍ରାନ୍ତିକାରୀ ଶବ୍ଦ ଓ ତାଙ୍କ ସମୟର ପ୍ରସିଦ୍ଧ ଲେଖକ ମ୍ୟାକ୍ସିମ ଗୋର୍କୀଙ୍କ ବିଚାର ସହ ବାବା ନାଜମୀଙ୍କ କବିତା ଲେଖାଯାଇଛି । ଏହା ବ୍ୟତିତ ଶହୀଦ କରତାର ସିଂହ ସରଭାଙ୍କ ପେଣ୍ଟିଂ ସମସ୍ତଙ୍କୁ ଆକର୍ଷିକ କରୁଛି । ତେବେ ପ୍ରତ୍ୟେକ ବ୍ୟକ୍ତି ଏହି ପଦକ୍ଷେପ ପାଇଁ ଲାଇବ୍ରେରୀ ମ୍ୟାନେଜମେଣ୍ଟର ପ୍ରଂଶସା କରୁଛି ।