ହାଇଦ୍ରାବାଦ: ଶରୀରକୁ ସୁଚାରରୂପେ କାମ କରିବା ପାଇଁ ପର୍ଯ୍ୟାପ୍ତ ପରିମାଣର ଭିଟାମିନ୍ ଏ ଆବଶ୍ୟକ ରହିଛି । ଏହା କୋଷ ବୃଦ୍ଧି, ପ୍ରତିରକ୍ଷା କାର୍ଯ୍ୟ, ଦୃଷ୍ଟିଶକ୍ତି ଏବଂ ଭ୍ରୁଣ ବିକାଶରେ ସାହାଯ୍ୟ କରେ । ଚର୍ମ ପାଇଁ ଭିଟାମିନ୍ ଏ ଉପକାରୀ, ନଖ ଏବଂ କେଶର ଉନ୍ନତରେ ମଧ୍ୟ ଏହା ଲାଭଦାୟକ ଅଟେ । ଏପରି ଅନେକ ଖାଦ୍ୟ ଅଛି ଯେଉଁଥିରେ ଭିଟାମିନ୍ ଏ ପ୍ରଚୁର ପରିମାଣରେ ମିଳିଥାଏ । ଖାଦ୍ୟରେ ଭିଟାମିନ୍ ଏବଂ ମିନେରାଲ୍ସ ରହିବା ଏକ ସନ୍ତୁଳିତ ଖାଦ୍ୟ, ଯାହା ଏକ ସୁସ୍ଥ ଶରୀର ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଶରୀର ପାଇଁ ଭିଟାମିନ୍ ଏ ମଧ୍ୟ ଜରୁରୀ ଅଟେ। ଆସନ୍ତୁ ଜାଣିବା କେଉଁ ଖାଦ୍ୟ ମାଧ୍ୟମରେ ଭିଟାମିନ୍ ଏ ପାଇପାରିବେ, ଏହାର ଲାଭ କ’ଣ ଏବଂ ଏହାର ଅଭାବରେ କ’ଣ ସମସ୍ୟା ହୋଇପାରେ...
ଭିଟାମିନ୍ ଏ ର ଉପକାରିତା:
ଭିଟାମିନ୍ ଏ ଖାଇବା ଦ୍ୱାରା ଦୃଷ୍ଟି ଶକ୍ତି ଭଲ ରହିଥାଏ ଏବଂ ଅନ୍ଧାରକଣା ରୋଗ ହୋଇନଥାଏ । ଖାଦ୍ୟରେ ପର୍ଯ୍ୟାପ୍ତ ପରିମାଣର ଭିଟାମିନ୍ ଏ ମିଶାଇବା ଦ୍ବାରା ବୃଦ୍ଧାବସ୍ଥାରେ ମଧ୍ୟ ଦୃଷ୍ଟି ଶକ୍ତି ଦୁର୍ବଳ ହୋଇନଥାଏ ।
ଖାଦ୍ୟରେ ଭିଟାମିନ୍ ଏ ମିଶାଇଲେ ଶରୀରର ରୋଗ ପ୍ରତିରୋଧକ ଶକ୍ତି ମଧ୍ୟ ଉନ୍ନତ ହୁଏ । ଏହା ଶରୀରକୁ ଅନେକ ରୋଗ ଏବଂ ଜୀବାଣୁ ସହିତ ଲଢିବା ପାଇଁ ଶକ୍ତି ଦେଇଥାଏ ।
ଭିଟାମିନ୍ ଏ ମଧ୍ୟ ଆପଣଙ୍କ ତ୍ୱଚା ପାଇଁ ଅତ୍ୟନ୍ତ ଲାଭ ଦାୟକ ଅଟେ । ଏହା ବ୍ରଣ ସମସ୍ୟା ଦୂର କରିଥାଏ । ଭିଟାମିନ୍ ଏ କୋଷକୁ ବୃଦ୍ଧିକରିବାରେ ସାହାଯ୍ୟ କରେ । ଏହା କେଶର ବୃଦ୍ଧି ଏବଂ ନଖ ବୃଦ୍ଧିରେ ମଧ୍ୟ ସହାୟକ ହୋଇଥାଏ ।