ଭୋପାଳ: ମଧ୍ୟପ୍ରଦେଶରେ ଉପନିର୍ବାଚନ ପାଇଁ ପ୍ରଚାର ଜୋରସୋର ଆରମ୍ଭ ହୋଇଥିବାବେଳେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂ, କମଲନାଥଙ୍କୁ ସାପ ଓ ସାପୁଆ କେଳା ଭାବେ କାଟୁର୍ନ ସଜାଯାଇଥିବା ଦେଖିବାକୁ ମିଳିଛି । ଯାହାକୁ ନେଇ ବିଜେପି ଓ କଂଗ୍ରେସ ପରସ୍ପର ଉପରକୁ ଦୋଷ ଲଦାଲଦି ହେଉଛନ୍ତି ।
ମଧ୍ୟପ୍ରଦେଶ ଉପନିର୍ବାଚନ
ଭାଇରାଲ ଭିଡିଓରେ କମଲନାଥ ସାପୁଆ କେଳା ହୋଇଥିବାବେଳେ ଦିଗବିଜୟ ସିଂହଙ୍କୁ ପେଡିରେ ଥିବା ସାପ ଭାବେ ଚିତ୍ରିତ କରାଯାଇଛି । କମଲାନାଥ ତାଙ୍କୁ ଖେଳାଉଥିବା ଦେଖିବାକୁ ମିଳିଛି । ଏହାସହ କଂଗ୍ରେସ ନେତା ଜିତୁ ପଟ୍ଟୱାରୀ କମଲନାଥଙ୍କ ସହଯୋଗୀ ଭାବେ ଛିଡା ହୋଇଥିବା ଭିଡିଓରେ ଦେଖାଯାଇଛି ।