ବନ୍ଧୁ ମେଳିରେ ବୟସ ଫିକା, ସତୁରୀରେ ବି ସତେଜ ଆଉ ସୁନ୍ଦରୀ

ମାଙ୍ଗାଲୁରୁରେ ଏକ ସ୍କୁଲରେ ବନ୍ଧୁ ମିଳନ ସମୟର ଏକ ଭିଡିଓ ଭାଇରାଲ ହେଉଛି । ଯେଉଁଠି ଜଣେ 70 ବର୍ଷୀୟ ବୃଦ୍ଧାଙ୍କ ଅତି ଚମତ୍କାର ନୃତ୍ୟ ପରିବେଷଣ କରୁଥିବାର ଦେଖିବାକୁ ମିଳିଛି ।

ମାଙ୍ଗାଲୁରୁ: କୁହାଯାଏ ସ୍କୁଲ ସମୟ ଜୀବନର ସବୁଠାରୁ ଅଭୂଲା ଦିନ । ଏହାକୁ ପୁଣିଥରେ ବଞ୍ଚିବା ପାଇଁ ପ୍ରତିଟି ମଣିଷ ଚାହିଁଥାଏ । ଆଉ ସେଥିପାଇଁ ଅନେକ ଏକବର୍ଷ ବ୍ୟବଧାନରେ କରିଥାଆନ୍ତି ସ୍କୁଲର ବନ୍ଧୁଙ୍କ ସହ ଗେଟ୍‌ଟୁଗେଦର ମାନେ ଭେଟଘାଟ । ନିଜ ପୁରୁଣା ବନ୍ଧୁଙ୍କୁ ସହ ମିଶି ପୁଣି ଜୀବିତ କରିଥାଆନ୍ତି ସେହି ପୁରୁଣା ଦିନ । ତେବେ ନିକଟରେ ଯାହାକୁ ନେଇ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ।

ଏହି ଭିଡିଓଟି ହେଉଛି ମାଙ୍ଗାଲୁରୁରେ ଏକ ସ୍କୁଲରେ ବନ୍ଧୁ ମିଳନ ସମୟର । ଭିଡିଓରେ ଜଣେ 70 ବର୍ଷୀୟ ବୃଦ୍ଧାଙ୍କ ଅତି ଚମତ୍କାର ନୃତ୍ୟ ପରିବେଷଣ ଦେଖିବାକୁ ମିଳୁଛି । ଏହାର ବ୍ୟାଗ୍ରାଉଣ୍ଡରେ ରେମୋ ଫର୍ଣ୍ଣାଡିଜ୍‌ଙ୍କ ପପୁଲାର ସଙ୍ଗ୍ 'ଗୀତ ୟା ୟା ମାୟା' ଏକ ଗୀତ ମଧ୍ୟ ଶୁଣିବାକୁ ମିଳୁଛି ।

ଗୀତଟି ଆରମ୍ଭ ହେବା କ୍ଷଣୀ ନୀଳ ଶାଢୀ ପିନ୍ଧିଥିବା ଜଣେ ମହିଳା ହଠାତ୍ ଉଛି ଆସି କଥକ ଡ୍ୟାନ୍ତ କରୁଛନ୍ତି । କିଛି ସମୟ ପରେ ଗୀତଟି ଚେଞ୍ଜ ହେଉଛି । ଏହାସହ ମହିଳା ଜଣଙ୍କ ନିଜର ପୁରଣା ବନ୍ଧୁଙ୍କ ସହ ଗୀତ ଅନୁଯାୟୀ ନିଜର ଡାନ୍ସ ପରିବର୍ତ୍ତନ କରୁଛନ୍ତି ।

ଉକ୍ତ ଭିଡିଓରେ ସ୍କୁଲ ବନ୍ଧୁ ମିଶି ଖୁବ୍ ଉପଭୋଗ କରୁଥିବା ଦେଖିବାକୁ ମିଳିଛି । ଆଉ ସବୁଠାରୁ ଅଧିକ ଆକର୍ଷଣୀୟ ଲାଗୁଛି ମହିଳାଙ୍କ ନୃତ୍ୟ ପରିବେଷଣ ଶୈଳୀ । ଯାହା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।