ଗୋ-ସମ୍ପଦ ସୁରକ୍ଷା ଚିନ୍ତା: କାର୍ଯ୍ୟରେ ଅବହେଳା ପାଇଁ ଜିଲ୍ଲାପାଳ ନିଲମ୍ବିତ

ଗୋ-ସମ୍ପଦ ସୁରକ୍ଷାକୁ ଯୋଗୀ ସରକାରଙ୍କ ପ୍ରାଧାନ୍ୟ । ଉତ୍ତରପ୍ରଦେଶରେ ଏହାକୁ କରାଯାଉଛି କଡାକଡି ପାଳନ । ଗୋ-ସମ୍ପଦ ସୁରକ୍ଷାରେ ଢିଲା ଦେବା ଦର୍ଶାଇ ମହାରାଜଗଞ୍ଜ ଜିଲ୍ଲାପାଳଙ୍କ ସମେତ 5 ଜଣ ସରକାରୀ ଅଧିକାରୀଙ୍କୁ କରାଯାଇଛି ନିଲମ୍ବନ ।

ଲକ୍ଷ୍ନୌ: ଗୋ-ସମ୍ପଦ ସୁରକ୍ଷାକୁ ଯୋଗୀ ସରକାରଙ୍କ ପ୍ରାଧାନ୍ୟ । ଉତ୍ତରପ୍ରଦେଶରେ ଏହାକୁ କରାଯାଉଛି କଡାକଡି ପାଳନ । ସୁରକ୍ଷାରେ ଢିଲାଦେଲେ ନିଆଯାଉଛି କାର୍ଯ୍ୟାନୁଷ୍ଠାନ । ଏପରି ଦେଖିବାକୁ ମିଳିଛି ମହାରାଜଗଞ୍ଜ ଜିଲ୍ଲାରେ ।

ଗୋ-ସମ୍ପଦ ସୁରକ୍ଷାରେ ଢିଲା ଦେବା ଦର୍ଶାଇ ମହାରାଜଗଞ୍ଜ ଜିଲ୍ଲାପାଳଙ୍କ ସମେତ 5 ଜଣ ସରକାରୀ ଅଧିକାରୀଙ୍କୁ ନିଲମ୍ବନ କରାଯାଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜିଲ୍ଲାପାଳଙ୍କ ସମେତ ଅଧିକାରୀଙ୍କୁ ନିଲମ୍ବନ କରିଥିବା ସୋମବାର ମୁଖ୍ୟଶାସନ ସଚିବ ଆରକେ ତିୱାରୀ ସୂଚନା ଦେଇଛନ୍ତି ।

ମାଧବଲିୟା ଗୋଶାଳାରେ ଗୋ-ସମ୍ପଦଙ୍କୁ ଠିକ୍‌ରେ ସୁରକ୍ଷା ମିଳୁନଥିବା ବାରମ୍ବାର ଅଭିଯୋଗ ହେଉଥିଲା । ଏହାର ତଦନ୍ତ ପାଇଁ ସରକାର ଏକ କମିଟି ଗଠନ କରିଥିଲେ । ତେବେ ତଦନ୍ତ ରିପୋର୍ଟ ଆସିବା ପରେ ଏପରି ନିଷ୍ପତ୍ତି ନିଆଯାଇଛି ।

ତଦନ୍ତ ରିପୋର୍ଟ ଅନୁସାରେ, ଗୋଶାଳାରେ 2500 ଗୋ-ସମ୍ପଦ ପ୍ରାଣୀ ଥିବା କାଗଜପତ୍ରରେ ଦର୍ଶାଯାଉଥିବାବେଳେ ଏଠାରେ ମାତ୍ର 954ଟି ଥିଲେ । ଯାହାକି କାଗଜପତ୍ରରେ ସରକାରୀ ଅର୍ଥର ଆତ୍ମସାତ ବୋଲି ଦର୍ଶାଇ ଏପରି କାର୍ଯ୍ୟାନୁଷ୍ଠାନ ନିଆଯାଇଛି ।