ଡେରାଡୁନ: ଲୋକପ୍ରିୟ ଅନଲାଇନ ଫୁଡ ଆପ୍ ଜୋମାଟୋ ଓ ସ୍ୱିଗି ପାଇଁ ବଢିଲା ଅଡୁଆ । ହରିଦ୍ବାରରେ ଆମିଷ ଖାଦ୍ୟ ଅର୍ଡର ଡେଲିଭରିକୁ ନେଇ କମ୍ପାନୀକୁ ନୋଟିସ ପଠାଇଛି ସ୍ବାସ୍ଥ୍ୟ ଓ ଖାଦ୍ୟ ସୁରକ୍ଷା ବିଭାଗ । ଫଳରେ ଆଗକୁ ହରିଦ୍ବାରରେ ଆମିଷ ଖାଦ୍ୟ ଡେଲିଭରିକୁ ନେଇ ସନ୍ଦେହ ଜାତ ହୋଇଛି ।
ଆମିଷ ଖାଦ୍ୟ ଡେଲିଭରି କରିବେନି ଜୋମାଟୋ-ସ୍ୱିଗି ! - ଆମିଷ ଖାଦ୍ୟ
ହରିଦ୍ବାରରେ ସ୍ୱିଗି ଓ ଜୋମାଟୋ ଆମିଷ ଖାଦ୍ୟ ଡେଲିଭରି କରିବା ନେଇ ଉଠିଲା ପ୍ରଶ୍ନ । ଉଭୟ କମ୍ପାନୀକୁ ନୋଟିସ ପଠାଇଛି ସ୍ବାସ୍ଥ୍ୟ ଓ ଖାଦ୍ୟ ସୁରକ୍ଷା ବିଭାଗ ।
ପ୍ରତିକାତ୍ମକ ଫଟୋ
ହରିଦ୍ବାର ଧର୍ମକ୍ଷେତ୍ର ଭାବେ ଜଣାଶୁଣା । ଏଠାକାର ଅନେକ ଅଞ୍ଚଳରେ ଆମିଷ ଖାଦ୍ୟ ଭକ୍ଷଣ କିମ୍ବା ବିକ୍ରି ଉପରରେ ରୋକ୍ ଲଗାଯାଇଛି । ତେଣୁ ଏହି ପବିତ୍ର ଅଞ୍ଚଳରେ ଜୋମାଟୋ ଓ ସ୍ୱିଗି କମ୍ପାନୀ ଆମିଷ ଖାଦ୍ୟ ଡେଲିଭରୀ ଉପରେ ସ୍ଥାନୀୟ ଅଞ୍ଚଳର ଜଣେ ମାଜିଷ୍ଟ୍ରେଟ୍ ଆପତ୍ତି ଉଠାଇବା ସହ ଅଭିଯୋଗ ମଧ୍ୟ କରିଥିଲେ । ଅଭିଯୋଗ ପରେ ମାମଲାର ଯାଞ୍ଚ ପାଇଁ ନିର୍ଦ୍ଦେଶ ଦିଆଯାଇଛି । ଉଭୟ କମ୍ପାନୀକୁ ଅଧିକାରୀ ମାନେ ପହଞ୍ଚି ଖାଦ୍ୟ ଡେଲିଭରିକୁ ନେଇ ଲାଇସେନ୍ସ ମାଗିଥିଲେ । କିନ୍ତୁ ଲାଇସେନ୍ସ ଦେବାରେ ଉଭୟ କମ୍ପାନୀ ବିଫଳ ହୋଇଛନ୍ତି । ସହରରେ ଆମିଷ ବିକ୍ରି ଉପରେ ନିଷେଧ ଥିବା ବେଳେ ଉଭୟ କମ୍ପାନୀ କିପରି ଆମିଷ ଖାଦ୍ୟ ଡେଲିଭରି କରୁଥିଲେ ତାକୁ ନେଇ ପ୍ରଶ୍ନ ଉଠିଛି ।
ସ୍ଥାନୀୟ ଅଧିକାରୀଙ୍କ କହିବା ଅନୁଯାୟୀ, ଉଭୟ କମ୍ପାନୀ ପବିତ୍ର ସହରର କେବଳ ନିୟମ କାନୁନକୁ ଖିଲାପ କରିଛନ୍ତି ତାହା ନୁହେଁ, ଲୋକଙ୍କ ଭାବନାକୁ ମଧ୍ୟ କୁଠାରଘାତ କରିଛନ୍ତି । ହରିଦ୍ବାର ନଗର ନିଗମ ମୁତାବକ ସହର ସୀମାରେ ଆମିଷ ଖାଦ୍ୟ ବିକ୍ରି କରିବାକୁ ବ୍ୟାନ କରାଯାଇଛି ।