ନୂଆଦିଲ୍ଲୀ: ଦେଶର 100ରୁ ଅଧିକ ଷ୍ଟେସନରେ ୟୁଜର୍ ଡେଭଲପମେଣ୍ଟ ଫି ସ୍କିମ୍ (UDF ସ୍କିମ୍) କାର୍ଯ୍ୟକାରୀ କରିବାକୁ ଭାରତୀୟ ରେଳ ପ୍ରସ୍ତୁତ ହେଉଛି। ଏହା ଅଧୀନରେ, ଏହି ଷ୍ଟେସନରେ ଆସୁଥିବା ଉପଭୋକ୍ତାଙ୍କୁ ୟୁଜର ଚାର୍ଜ ନିଆଯିବ । ବାସ୍ତବରେ, ରେଳବାଇ ନଭେମ୍ବର 2020 ମଧ୍ୟରେ ଦେଶର 121 ଷ୍ଟେସନରେ UDF କାର୍ଯ୍ୟକାରୀ କରିବ । ଏଥି ସହିତ ଏହି ଷ୍ଟେସନଗୁଡିକରେ ପ୍ଲାଟଫର୍ମ ଟିକେଟ ମୂଲ୍ୟକୁ ଦ୍ବିଗୁଣିତ କରିବାକୁ ମଧ୍ୟ ବିଚାର କରୁଛି । ଅଧିକାଂଶ ଷ୍ଟେସନରେ ପ୍ଲାଟଫର୍ମ ଟିକେଟ୍ ମୂଲ୍ୟ ୧୦ ଟଙ୍କା ଥିବାବେଳେ ୟୁଡିଏଫ ଲାଗୁହେଲେ ଏହାର ମୂଲ୍ୟ ୨୦ ଟଙ୍କାକୁ ବୃଦ୍ଧି କରାଯିବ । ଅର୍ଥାତ୍ ଲୋକମାନେ ଷ୍ଟେସନ ଭିତରକୁ ଆସିଲେ ପ୍ଲାଟଫର୍ମ ଟିକେଟ ବାବଦକୁ ବର୍ତ୍ତମାନ ଦୁଇଗୁଣ ଅର୍ଥ ଦେବାକୁ ପଡିବ । ଏହା ସହ ଷ୍ଟେସନଗୁଡିକ ଯାତ୍ରୀଙ୍କ ଭଡା ମଧ୍ୟ ବୃଦ୍ଧି କରାଯାଇପାରେ ।
ଦେଶର 100ରୁ ଅଧିକ ଷ୍ଟେସନରେ ବଢିବ ପ୍ଲାଟଫର୍ମ ଟିକେଟ୍ ମୂଲ୍ୟ - Indian Railways
ଦେଶର ୧୦୦ରୁ ଅଧିକ ରେଳ ଷ୍ଟେସନରେ ଦୁଇଗୁଣା ହେବ ପ୍ଲାଟଫର୍ମ ଟିକେଟ ମୂଲ୍ୟ । ଏହା ସହ ଷ୍ଟେସନଗୁଡିକ ଯାତ୍ରୀଙ୍କ ଭଡା ମଧ୍ୟ ବୃଦ୍ଧି କରାଯାଇପାରେ ବୋଲି ଭାରତୀୟ ରେଳବାଇ କହିଛି । ଅଧିକ ପଢନ୍ତୁ...
ଦେଶର ୧୦୦ରୁ ଅଧିକ ରେଳ ଷ୍ଟେସନରେ ଦୁଇଗୁଣା ହେବ ପ୍ଲାଟଫର୍ମ ଟିକେଟ ମୂଲ୍ୟ
ଯାତ୍ରୀଙ୍କୁ ଅଧିକ ସୁବିଧା ଦେବାକୁ ଉପଭୋକ୍ତା ଚାର୍ଜ ଆଦାୟ କରାଯାଏ । ବର୍ତ୍ତମାନ ଏହା କେବଳ ବିମାନବନ୍ଦରରେ ଆଦାୟ କରାଯାଉଛି । ଏବେ ଷ୍ଟେସନଗୁଡିକରେ ଘରୋଇ କମ୍ପାନୀଗୁଡିକ ଦ୍ବାରା ସ୍ବଚ୍ଛତା, ନବୀକରଣ, ସୌନ୍ଦର୍ଯ୍ୟ, ରକ୍ଷଣାବେକ୍ଷଣ, ବିକାଶ କାର୍ଯ୍ୟ କରାଯାଉଛି । ଏହି ଘରୋଇ କମ୍ପାନୀଗୁଡିକ ରେଳ ଷ୍ଟେସନର ପୁନଃ ବିକାଶ ପାଇଁ 50 ହଜାର କୋଟି ଖର୍ଚ୍ଚ କରିବେ। ଏପରି ପରିସ୍ଥିତିରେ, ଅଧିକ ବିନିଯୋଗକୁ ଆକର୍ଷିତ କରିବା ପାଇଁ ଉପଭୋକ୍ତା ଫି ମଧ୍ୟ ବିଡିଂ ଡକ୍ୟୁମେଣ୍ଟରେ ଅନ୍ତର୍ଭୁକ୍ତ କରାଯାଇଛି । ଏହି ପ୍ରସ୍ତାବରେ ନାଗପୁର, ନେଲୋର, ପୁଡୁଚେରୀ, ଡେରାଡୁନ୍, ଗ୍ବାଲିଅର୍ ଷ୍ଟେସନ୍ ପାଇଁ ଉପଭୋକ୍ତା ଶୁଳ୍କ ଅନ୍ତର୍ଭୁକ୍ତ କରାଯାଇଛି।
ବ୍ୟବହାରକାରୀଙ୍କ ଚାର୍ଜ ପ୍ରଥମେ 121 ଷ୍ଟେସନରେ ଲାଗୁ ହେବ । ରେଳ ବୋର୍ଡର ଚେୟାରମ୍ୟାନ୍ ତଥା ସିଇଓ ବିନୋଦ କୁମାର ଯାଦବ (ଭି କେ ଯାଦବ) ସେପ୍ଟେମ୍ବର 2020ରେ କହିଥିଲେ ଯେ, ବିମାନବନ୍ଦରରେ ଉପଭୋକ୍ତା ଚାର୍ଜ ଆଦାୟ ଭଳି କେତେକ ରେଳ ଷ୍ଟେସନରେ ମଧ୍ୟ ଉପଭୋକ୍ତା ଚାର୍ଜ ଆଦାୟ କରାଯିବ। ତେବେ ମୋଟ ରେଳ ଷ୍ଟେସନର 10 ରୁ 15 ପ୍ରତିଶତ ଷ୍ଟେସନରେ ୟୁଜର ଚାର୍ଜ ନିଆଯିବ ବୋଲି ଭାରତୀୟ ରେଳବାଇ କହିଛି ।