ନୂଆଦିଲ୍ଲୀ: ବର୍ଷା ଜନିତ ବନ୍ୟା ପାଣିର ସଦୁପଯୋଗ କରିବାକୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ନୀତିନ ଗଡକରୀ । ଲଗାଣ ବର୍ଷାରେ ମୁମ୍ବାଇରେ ଜମୁଥିବା ପାଣିକୁ ନେଇ ଜଳସେଚନ, ସହର ଚାରିପଟେ ଥିବେ କଳକାରଖାନା, ଚାଷ ଆଦି ପାଇଁ ବ୍ୟବହାର ଉପଯୋଗୀ କରିବାକୁ କେନ୍ଦ୍ରମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି ।
ବିଶେଷ କରି ନାଶିକ ଓ ଅହମଦନଗର ଭଳି ସହରରେ ଏହି ଜଳର ସଦୁପଯୋଗ କରିବାକୁ ସେ କହିଛନ୍ତି । ଏହି ଚିଠି ମଧ୍ୟ ସେ ଏନସିପି ମୁଖ୍ୟ ଶରଦ ପାୱାର, ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ୍ ପାୱାର, ମନ୍ତ୍ରୀ ବାଲାସାହେବ ଥୋରାଟ, ଅଶୋକ ଚୌହାନ ଓ ଜୟନ୍ତ ପାଟିଲଙ୍କୁ ଲେଖିଛନ୍ତି । ଆମେ ମାନେ ପ୍ରତିବର୍ଷ ମୁମ୍ବାଇ ସହରରେ ବନ୍ୟା କାରଣରୁ କ୍ଷତି ସହୁଛେ । ଧନଜୀବନ କ୍ଷୟକ୍ଷତି ହେଉଛି । ବନ୍ୟା ସହରକୁ ପୂରାପୂରି ବିପର୍ଯ୍ୟସ୍ତ କରିଦେଉଛି । ତେଣୁ ମୁଁ ଭାବୁଛି ଏଥିପାଇଁ ଏକ ଯୋଜନା ପ୍ରସ୍ତୁତ କରିବା ଆବଶ୍ୟକ ବୋଲି କେନ୍ଦ୍ରମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି ।
ବର୍ଷାଜଳ ସମୁଦ୍ର ପତ୍ତନ ସହିତ ସମାନ ହୋଇଯାଉଛି । ଫଳରେ ଫେରୁଥିବା ଜଳ ଅଧିକ ଜଟିଳ ସମସ୍ୟା ସୃଷ୍ଟି କରୁଛି । ଯାହା ପାଇଁ ସଙ୍ଗଠିତ ଯୋଜନା ଆବଶ୍ୟକ । ବନ୍ୟାଜଳ, ଡ୍ରେନେଜ୍ ଓ ସ୍ବେରେଜର ଗତିକୁ ପରିବର୍ତ୍ତନ କରି ଥାଣେ ଆଡକୁ ଅଣାଯାଇ ଏକ ଡ୍ୟାମ ସହାୟତାରେ ରଖାଯାଇ ସେଥିରେ ଚାଷ କାମ, କଳକାରଖାନାକୁ ଜଳ ଆଦି ଯୋଗାଇଦେବାକୁ ଯୋଜନା ଆବଶ୍ୟକ ବୋଲି ସେ ଚିଠିରେ ଲେଖିଛନ୍ତି।