ୱାଶିଂଟନ: ମୁମ୍ବାଇ ଆକ୍ରମଣ ସମେତ ଅନେକ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ହାଫିଜ ସଇଦକୁ କଠୋର ଦଣ୍ଡ ଦେବା ପାଇଁ ସ୍ବର ଉଠାଇଛି ଆମେରିକା । ପାକିସ୍ତାନର ଏକ ଅଦାଲତ ଦ୍ବାରା ଆତଙ୍କବାଦୀ ସଙ୍ଗଠନ ଜମାତ-ଉଦ୍-ଦୱା(ଜେୟୁଡି)ର ମୁଖ୍ୟ ହାଫିଜ ସଇଦକୁ ଦୋଷୀ ସାବ୍ୟସ୍ତ କରାଯିବା ପରେ ଏଭଳି ପ୍ରତିକ୍ରିୟା ରଖିଛି ଆମେରିକା । ଏହା ସହିତ ଏହି ନିଷ୍ପତ୍ତିକୁ ଦକ୍ଷିଣ ଏସିଆରେ ଶାନ୍ତି ସ୍ଥାପନା ପାଇଁ ଏକ ଆବଶ୍ୟକୀୟ ପଦକ୍ଷେପ ବୋଲି ପ୍ରତିକ୍ରିୟା ରଖିଛି ଆମେରିକା।
ଆତଙ୍କବାଦ ବିରୋଧରେ କାର୍ଯ୍ୟାନୁଷ୍ଠାନ ଜାରି ରଖୁ ପାକିସ୍ତାନ: ଆମେରିକା - mumbai terror attack
ମୁମ୍ବାଇ ଆକ୍ରମଣ ସମେତ ଅନେକ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ହାଫିଜ ସଇଦକୁ କଠୋର ଦଣ୍ଡ ଦେବା ପାଇଁ ସ୍ବର ଉଠାଇଛି ଆମେରିକା। ଅଧିକ ପଢନ୍ତୁ...
ଆତଙ୍କବାଦୀଙ୍କୁ ପାଣ୍ଠି ଯୋଗାଣ(ଟେରର ଫଣ୍ଡିଂ) ମାମଲାରେ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ହାଫିଜ ସଇଦକୁ ବୁଧବାର ଦୋଷୀ ସାବ୍ୟସ୍ତ କରାଯାଇଛି । ଏଭଳି ଦୁଇଟି ମାମଲାରେ ତାକୁ ସାଢେ 5 ବର୍ଷ ଲେଖାଏଁ ମୋଟ 11 ବର୍ଷ କାରାଦଣ୍ଡ ମିଳିଛି। ଏନେଇ ଆମେରିକା ବୈଦେଶିକ ବିଭାଗର ମୁଖପାତ୍ର କହିଛନ୍ତି, '2008 ମୁମ୍ବାଇ ଆକ୍ରମଣ ସମେତ ଅନେକ ଆତଙ୍କବାଦୀ ଆକ୍ରମଣରେ ସାମିଲ ହାଫିଜ ସଇଦକୁ ଦଣ୍ଡ ଦେବା ପାଇଁ ଆମେ ସ୍ବର ଉତ୍ତୋଳନ କରୁଥିବୁ । ମୁମ୍ବାଇ ଆକ୍ରମଣରେ 166 ନିର୍ଦ୍ଦୋଶ ଲୋକଙ୍କ ପ୍ରାଣହାନୀ ଘଟିଥିଲା। ସେମାନଙ୍କ ମଧ୍ୟରେ 6 ଜଣ ଆମେରିକା ନାଗରିକ ମଧ୍ୟ ସାମିଲ ଥିଲେ । ଏହି ଲୋମଟାଙ୍କୁରା ଘଟଣା ପାଇଁ ତା ବିରୋଧରେ କାର୍ଯ୍ୟାନୁଷ୍ଠାନ ନେବା ଉଚିତ । '
ସେ ଆହୁରି କହିଛନ୍ତି ଯେ, ହାଫିଜ ସଇଦକୁ ଦଣ୍ଡ ଦେବା ଦକ୍ଷିଣ ଏସିଆର ଶାନ୍ତିରେ ବାଧା ସୃଷ୍ଟି କରୁଥିବା ଆତଙ୍କବାଦୀ ସଙ୍ଗଠନର ସଞ୍ଚାଳନ ରୋକିବା ଦିଗରେ ଏକ ପଦକ୍ଷେପ । ଆତଙ୍କବାଦ ସୃଷ୍ଟି କରୁଥିବା, ଆତଙ୍କବାଦ ପାଇଁ ଫଣ୍ଡିଂ କରୁଥିବା କିମ୍ବା ଆତଙ୍କବାଦର ସମର୍ଥନ କରୁଥିବା ଲୋକଙ୍କ ବିରୋଧରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଜାରି ରଖିବାକୁ ପାକିସ୍ତାନକୁ ଆଗ୍ରହ କରିଛନ୍ତି ସେ।