ନୂଆଦିଲ୍ଲୀ: ଲୋକସଭାରେ କଂଗ୍ରେସ ସାଂସଦଙ୍କ ବ୍ୟବହାରକୁ ଗୁଣ୍ଡାଗର୍ଦ୍ଦିର ଆଖ୍ୟା ଦେଇଛି ବିଜେପି । ରାହୁଲ ଗାନ୍ଧୀଙ୍କ ନେତୃତ୍ବରେ କଂଗ୍ରେସ ସାଂସଦ ଠେଙ୍ଗା ମାଡର ରାସ୍ତା ଆପଣାଉଥିବା ଅଭିଯୋଗ କରିଛନ୍ତି କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ । ସଂସଦରେ କେନ୍ଦ୍ରମନ୍ତ୍ରୀ ହର୍ଷବର୍ଦ୍ଧନଙ୍କ ସହ କଂଗ୍ରେସ ସାଂସଦ ଦୁର୍ବ୍ୟବହାର କରିବାର ପ୍ରୟାସ କରିଛନ୍ତି । ଯାହା କଂଗ୍ରେସର ହତାଶ ଏବଂ ଗୁଣ୍ଡାଗର୍ଦ୍ଦିର ପ୍ରତୀକ ବୋଲି ପ୍ରହ୍ଲାଦ ଯୋଶୀ କହିଛନ୍ତି ।
ସେପଟେ ବିଜେପି ସାଂସଦ ଜଗଦାମ୍ବିକ ପାଲ ଏହାକୁ କଡା ନିନ୍ଦା କରିବା ସହ କଂଗ୍ରେସ ସାଂସଦଙ୍କ ବ୍ୟବହାର ଗଣତନ୍ତ୍ର ପାଇଁ ଦୁର୍ଭାଗ୍ୟଜନକ ବୋଲି କହିଛନ୍ତି । ସେ କହିଛନ୍ତି, କେନ୍ଦ୍ରମନ୍ତ୍ରୀ ହର୍ଷବର୍ଦ୍ଧନ ରାହୁଲ ଗାନ୍ଧୀଙ୍କ ବୟାନ ପଢୁଥିଲେ । ଏହି ସମୟରେ କଂଗ୍ରେସ ସାଂସଦ ମନିକମ ଟାଗୋର ତାଙ୍କ ଅଭିମୁଖେ ଯାଇ ତାଙ୍କୁ ଘେରିଥିଲେ ।
ପ୍ରହ୍ଲାଦ ଯୋଶୀ