ଲକ୍ଷ୍ନୌ: ଗୋଣ୍ଡାରୁ ଅପହରଣ ହୋଇଥିବା ଜଣେ ବ୍ୟବସାୟୀଙ୍କ 6 ବର୍ଷର ପୁଅକୁ ସଫଳତାର ସହ ଉଦ୍ଧାର କରିଛି ୟୁପି ପୋଲିସ। ଏହି ଘଟଣାରେ 4 କୋଟି ଟଙ୍କା ମାଗିଥିବା ଏକ ଝିଅକୁ ଗିରଫ କରିଛି ପୋଲିସ । ଏହା ସହିତ ପୁରା ଘଟଣା କ୍ରମରେ 4 ଜଣଙ୍କୁ ଗିରଫ କରାଯାଇଛି । ଅପହରଣ ଘଟଣା ସାମ୍ନାକୁ ଆସିବାର କିଛି ଘଣ୍ଟା ପରେ ୟୁପି ପୋଲିସ ଅତି କୌଶଳତାର ସହ ଏହାକୁ ସମାଧାନ କରିପାରିଛି । ଗିରଫ ପୂର୍ବରୁ ପୋଲିସ ଓ ଅଭିଯୁକ୍ତମାନଙ୍କ ମଧ୍ୟରେ ଗୁଳି ଚାଳନା ହୋଇଥିବା ଖବର ମଧ୍ୟ ସାମ୍ନାକୁ ଆସିଛି।
ଗିରଫ ହୋଇଥିବା 4 ଅପରାଧୀ ହେଲେ, ସୁରଜ ପାଣ୍ଡେ ଓ ଛବି ପାଣ୍ଡେ ଏମାନେ ଗୋଣ୍ଡା ଜିଲ୍ଲା ଶାହାପୁର ପୋଲିସ ଷ୍ଟେସନ ପରସପୁରର ବାସିନ୍ଦା ହୋଇଥିବାବେଳେ, ଉମେଶ ଯାଦବ ଯିଏ କର୍ଣ୍ଣଲଗଞ୍ଜ ଜନପଦଗୋଣ୍ଡା ଅଞ୍ଚଳର ଏବଂ ଚତୁର୍ଥ ଅପରାଧୀ ଦୀପୁ କାଶ୍ୟପର ଘର ହେଉଛି କର୍ଣ୍ଣଲଗଞ୍ଜ ସୋନୱାରାରେ । ତେବେ ନିରାପଦର ସହକାରେ ଅପହରଣକାରୀଙ୍କ ଠାରୁ ବ୍ୟବସାୟୀଙ୍କ ପୁଅଙ୍କୁ ଉଦ୍ଧାର କରିଥିବାରୁ ସରକାର ଏସଟିଏଫ ଦଳକୁ 2 ଲକ୍ଷ ଟଙ୍କା ପୁରସ୍କାର ପ୍ରଦାନ କରିଛନ୍ତି ।