କେଜ୍ରିୱାଲଙ୍କୁ ଅମିତ ଶାହଙ୍କ ଟାର୍ଗେଟ, କହିଲେ ମିଛୁଆ ନମ୍ବର ୱାନ

ଦିଲ୍ଲୀ ନିର୍ବାଚନ ପ୍ରଚାର ସମୟରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରେ ବର୍ଷିଲେ ଗୃହମନ୍ତ୍ରୀ ଅମିତ ଶାହ । କେଜ୍ରିୱାଲଙ୍କୁ ମିଛ କହିବାରେ ଏକ ନମ୍ବର ବୋଲି କହିବା ସହ ଶିକ୍ଷା, ସ୍ବାସ୍ଥ୍ୟ ଓ ଭିତ୍ତିଭୂମିରେ ଆପ୍‌ ସରକାର ଦିଲ୍ଲୀରେ ଫେଲ ହୋଇଥିବା ସେ ଦର୍ଶାଇଛନ୍ତି ।

ନୂଆଦିଲ୍ଲୀ: ଦିଲ୍ଲୀ ନିର୍ବାଚନ ପ୍ରଚାର ସମୟରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରେ ବର୍ଷିଲେ ଗୃହମନ୍ତ୍ରୀ ଅମିତ ଶାହ । କେଜ୍ରିୱାଲଙ୍କୁ ମିଛ କହିବାରେ ଏକ ନମ୍ବର ବୋଲି କହିବା ସହ ଶିକ୍ଷା, ସ୍ବାସ୍ଥ୍ୟ ଓ ଭିତ୍ତିଭୂମିରେ ଆପ୍‌ ସରକାର ଦିଲ୍ଲୀରେ ଫେଲ ହୋଇଥିବା ସେ ଦର୍ଶାଇଛନ୍ତି ।

କେଜ୍ରିୱାଲ 500 ବିଦ୍ୟାଳୟ ତିଆରି କରିବେ ବୋଲି କହିଥିଲେ, କେତେ ତିଆରି କରିଛନ୍ତି । 50 ମହାବିଦ୍ୟାଳୟ କରିବେ ବୋଲି ପ୍ରତିଶୃତି ଦେଇଥିବାବେଳେ କେତେ କରିଛନ୍ତି ଜବାବ ଦିଅନ୍ତୁ ବୋଲି ଅମିତ ଶାହ ପ୍ରଶ୍ନ କରିଛନ୍ତି । ସେହିପରି 15 ଲକ୍ଷ ସିସିଟିଭି ଲଗାଇବେ ବୋଲି ଦେଇଥିବା ପ୍ରତିଶୃତି କୁଆଡେ ଗଲା ବୋଲି ସେ, କେଜ୍ରିୱାଲଙ୍କୁ ପଚାରିଛନ୍ତି ।

ରବିବାର ଉତ୍ତର ପୂର୍ବ ଲୋକସଭା ଆସନର ବାବରପୁର ଓ ରୋହତାଶ ନଗର ବିଧାନସଭା ଅଞ୍ଚଳରେ ନିର୍ବାଚନୀ ପ୍ରଚାର କରିବା ସମୟରେ ଗୃହମନ୍ତ୍ରୀ ଏପରି କହିଛନ୍ତି । ଏହାସହ ରୋହତାଶ ନଗର ବିଧାନସଭା ଆସନ ପାଇଁ ବିଜେପି ପ୍ରାର୍ଥୀ ଜିତେନ୍ଦ୍ର ମହାଜନ ଓ ବାବରପୁର ବିଧାନସଭା ଆସନ ପାଇଁ ବିଜେପି ପ୍ରାର୍ଥୀ ନରେଶ ଗୌଡଙ୍କ ଲାଗି ଭୋଟ ଭିକ୍ଷା କରିଛନ୍ତି ।