ଆଜି କେନ୍ଦ୍ର ମନ୍ତ୍ରିମଣ୍ଡଳ ବୈଠକ

ବୁଧବାର ଅପରାହ୍ନ 1ଟା ସମୟରେ କେନ୍ଦ୍ର ମନ୍ତ୍ରିମଣ୍ଡଳ ବୈଠକ ସଂସଦର ଏନକ୍ସି ଭବନରେ ଅନୁଷ୍ଠିତ ହେବ ।

ନୂଆଦିଲ୍ଲୀ: ବୁଧବାର ଅପରାହ୍ନରେ ବସିବ କେନ୍ଦ୍ର ମନ୍ତ୍ରିମଣ୍ଡଳ ବୈଠକ । ଅପରାହ୍ନ 1ଟା ସମୟରେ ହେବାକୁ ଥିବା ଏହି ବୈଠକ ସଂସଦର ଏନକ୍ସି ଭବନରେ ଅନୁଷ୍ଠିତ ହେବ । ଯେଉଁଥିରେ ପ୍ରଧାନମନ୍ତ୍ରୀ ମୋଦି ଅଧ୍ୟକ୍ଷତା କରିବେ ।

ଏଥିସହ ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 46ରୁ 57 ବର୍ଷୀୟ ସାଂସଦଙ୍କୁ ତାଙ୍କ ନିବାସରେ ଭେଟିବେ । ସେହିପରି ଗୁରୁବାର ମଧ୍ୟ ପ୍ରଧାନମନ୍ତ୍ରୀ ମୋଦି 57 ବର୍ଷରୁ ଊର୍ଦ୍ଧ୍ବ ବୟସର ସାଂସଦଙ୍କୁ ଭେଟିବେ ଯେଉଁଠି କୌଣସି ମନ୍ତ୍ରୀ ଉପସ୍ଥିତ ରହିବେ ନାହିଁ ।

ତେବେ ଗତ ମେ 30ରେ ଅନୁଷ୍ଠିତ ହୋଇଥିବା ପ୍ରଥମ କେନ୍ଦ୍ରୀୟ ମନ୍ତ୍ରିମଣ୍ଡଳ ବୈଠକରେ ସମସ୍ତ ଚାଷୀ ପରିବାରକୁ ପିଏମ୍ କିସାନ୍ ଯୋଜନା ଦ୍ବାରା 6000 ଟଙ୍କାର ସହାୟତା ତିନୋଟି କିସ୍ତିରେ ଦିଆଯାଇଥିଲା ।