‘ସାମ୍‌ନା’ର ସମ୍ପାଦିକା ହେଲେ ଉଦ୍ଧବ ଠାକରେଙ୍କ ପତ୍ନୀ

ଶିବସେନାର ମୁଖପତ୍ର ‘ସାମ୍‌ନା’ର ସମ୍ପାଦିକା ଭାବରେ ଦାୟିତ୍ବ ଗ୍ରହଣ କଲେ ଶିବସେନା ମୁଖ୍ୟ ତଥା ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ପତ୍ନୀ ରଶ୍ମି ଠାକରେ। ଅଧିକ ପଢନ୍ତୁ...

ମୁମ୍ବାଇ: ଶିବସେନାର ମୁଖପତ୍ର ‘ସାମ୍‌ନା’ର ସମ୍ପାଦିକା ଭାବରେ ଦାୟିତ୍ବ ଗ୍ରହଣ କଲେ ଶିବସେନା ମୁଖ୍ୟ ତଥା ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ପତ୍ନୀ ରଶ୍ମି ଠାକରେ। ପୂର୍ବରୁ ଉଦ୍ଧବ ଠାକରେ ଏହି ପଦବୀରେ ଥିଲେ । ମହାରାଷ୍ଟ୍ର ମୁଖ୍ୟମନ୍ତ୍ରୀ ହେବାପରେ ସେ ସମ୍ପାଦକ ପଦରୁ ଇସ୍ତଫା ଦେଇଥିଲେ । ତେବେ ଏହି ଦାୟିତ୍ବ ଏବେ ରଶ୍ମୀଙ୍କୁ ଦିଆଯାଇଛି ।

ସେହିପରି ଶିବସେନାର ବରିଷ୍ଠ ନେତା ତଥା ରାଜ୍ୟସଭା ସାଂସଦ ସଞ୍ଜୟ ରାଉତଙ୍କୁ ଏହାର କାର୍ଯ୍ୟକାରୀ ସମ୍ପାଦକ ଭାବେ ଅବସ୍ଥାପିତ କରଯାଇଛି। ଜାନୁୟାରୀ 23, 1989 ରେ ବାଲାସାହେବ ଠାକରେ ମହାରାଷ୍ଟ୍ରବାସୀଙ୍କୁ ନିଜ ମତ ଜଣାଇବା ଉଦ୍ଦେଶ୍ୟରେ ସାମ୍‌ନାର ପ୍ରତିଷ୍ଠା କରିଥିଲେ । ଏହାର ହିନ୍ଦୀ ସଂସ୍କରଣ ମଧ୍ୟ ପ୍ରକାଶ ପାଉଛି।

ବ୍ୟୁରୋ ରିପୋର୍ଟ, ଇଟିଭି ଭାରତ