ବରଫ ତଳେ ଚାପି ହୋଇ ଦୁଇ ଯବାନ ମୃତ

ଉତ୍ତର ସିକିମର ପାର୍ବତ୍ୟ ଲୁଗନାକ ଲା ଅଞ୍ଚଳରେ ପେଟ୍ରୋଲିଂ ସମୟରେ ବରଫ ସଫା କରୁଥିବାବେଳେ ଦୁଇ ଯବାନ ପ୍ରାଣ ହରାଇଥିବା ଜଣାପଡିଛି ।

ନୂଆଦିଲ୍ଲୀ: ଉତ୍ତର ସିକିମର ପାର୍ବତ୍ୟାଞ୍ଚଳ ଲୁଗନାକ ଲା ରେ ଦୁଇ ଜଣ ଯବାନ ପ୍ରାଣ ହରାଇଛନ୍ତି । ସେନାର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ମେ 14 ରେ ପେଟ୍ରୋଲିଂ ଚାଲୁଥିବା ବେଳେ ବରଫ ସଫା କରୁଥିବା ସମୟରେ ଜଣେ ଲେଫ୍ଟନାଣ୍ଟ କର୍ଣ୍ଣେଲ ଏବଂ ଭାରତୀୟ ସେନାର ଜଣେ ଯବାନ ପ୍ରାଣ ହରାଇଛନ୍ତି ।

ତେବେ ପେଟ୍ରୋଲିଂର ଏହି ଗ୍ରୁପରେ 18 ଜଣ ଯବାନ ଥିଲେ । ବରଫ ସଫା କରୁଥିବା ସମୟରେ ଏହି ଦୁଇ ଯବାନ ବରଫ ତଳେ ଫସି ଯାଇଥିଲେ । ପରେ ତାଙ୍କୁ ଉଦ୍ଧାର କରିବାକୁ ଉଦ୍ୟମ କରାଯାଇଥିଲା । କିନ୍ତୁ ସେଠାରେ ତାଙ୍କର ମୃତ୍ୟୁ ହୋଇଥିଲା ।