ନୂଆଦିଲ୍ଲୀ: କୋରୋନା ମହାମାରୀ ମଧ୍ୟରେ ଏକ ଆଶ୍ବସ୍ତିକର ଖବର ସାମ୍ନାକୁ ଆସିଛି । ବର୍ତ୍ତମାନ କୋରୋନାରେ ସୁସ୍ଥ ହୋଇଥିବା ରୋଗୀଙ୍କ ପ୍ଲାଜମା କୋରୋନା ରୋଗୀଙ୍କ ଚିକିତ୍ସାରେ ସାହାଯ୍ୟ କରୁଛି । ଏହାକୁ ଦୃଷ୍ଟିରେ ରଖି ସରକାର ଲୋକମାନଙ୍କୁ ସେମାନଙ୍କ ପ୍ଲାଜମା ଦାନ କରିବାକୁ ଅନୁରୋଧ କରୁଛନ୍ତି । ତେବେ ବର୍ତ୍ତମାନ ଏହି ପ୍ଲାଜମା ଡୋନର ପ୍ରକ୍ରିୟା ଆହୁରି ସହଜ ହେବାକୁ ଯାଇଛି । କାରଣ ଗୁରୁ ଗୋବିନ୍ଦ ସିଂ ଇନ୍ଦ୍ରପ୍ରସ୍ତ ବିଶ୍ୱବିଦ୍ୟାଳୟର ଦୁଇ ଜଣ ଛାତ୍ର needplasma.org ନାମକ ଏକ ୱେବସାଇଟ୍ ତିଆରି କରିଛନ୍ତି ।
ପ୍ଲାଜମା ଦାତାଙ୍କ ପାଇଁ ୱେବସାଇଟ ପ୍ରସ୍ତୁତ କଲେ ଦୁଇ ଛାତ୍ର
ସୂଚନା ଅନୁଯାୟୀ, ଆଇପି ବିଶ୍ୱବିଦ୍ୟାଳୟରୁ କମ୍ପ୍ୟୁଟର ସାଇନ୍ସ ଇଞ୍ଜିନିୟରିଂ ପଢିଥିବା ଦୁଇ ପୂର୍ବତନ ଛାତ୍ର ମୟଙ୍କ ମିତ୍ତଲ ଏବଂ ସଚିନ ଭରଦ୍ବାଜ କୋରୋନା ରୋଗୀ ଏବଂ ପ୍ଲାଜମା ଦାତାମାନଙ୍କ ପାଇଁ ଏକ ସାଧାରଣ ପ୍ଲାଟଫର୍ମ ଭାବରେ ଏକ ୱେବସାଇଟ ପ୍ରସ୍ତୁତ କରିଛନ୍ତି ।