ୱାସିଂଟନ: ଇରାନ ସେନା କମାଣ୍ଡର ସୁଲେମାନୀର ହତ୍ୟା ପରେ ଇରାକ ସ୍ଥିତ ଆମେରିକୀୟ ଏୟାରବେସ ଉପରେ ଘନଘନ ଆକ୍ରମଣ କରୁଛି ଇରାନ। ବୁଧବାର ସକାଳେ ଇରାକରେ ଦୁଇଟି ଆମେରିକୀୟ ଏୟାରବେସ ଉପରେ 12ଟି ମିସାଇଲ ମାଡ କରିଛି ଇରାନ। ଏହି ଘଟଣା ପରେ ଦୁଇ ଦେଶ ମଧ୍ୟରେ ଯୁଦ୍ଧ ଆଶଙ୍କା ବଢିଯାଇଛି। ଏ ଘଟଣା ପରେ ଆମେରିକା ରାଷ୍ଟ୍ରପତି ଡୋନାଲ୍ଟ ଟ୍ରମ୍ପ ଏହି ଆକ୍ରମଣ ପରେ ଆମେରିକୀୟ ସୈନ୍ୟ ଅଧିକାରୀଙ୍କ ସହ କଥା ହୋଇ ଟ୍ବିଟ କରି କହିଛନ୍ତି ଯେ ‘All is Well’।
ମିସାଇଲ ଆକ୍ରମଣ ପରେ ପ୍ରତିକ୍ରିୟା ରଖି ରାଷ୍ଟ୍ରପତି ଟ୍ରମ୍ପ ଟ୍ବିଟ କରି କହିଛନ୍ତି, ‘ଏହା ଯୋଗୁଁ ହୋଇଥିବା କ୍ଷୟକ୍ଷତି ନେଇ ଆକଳନ କରାଯାଉଛି। ଆମ ନିକଟରେ ଦୁନିଆର ସବୁଠାରୁ ବଡ ଓ ଶକ୍ତିଶାଳୀ ସେନା ରହିଛି। ଆସନ୍ତାକାଲି ସକାଳେ ମୁଁ ମିସାଇଲ ଆକ୍ରମଣ ପ୍ରସଙ୍ଗରେ ମୋର ପ୍ରତିକ୍ରିୟା ରଖିବି।’