ସୁସ୍ଥ ହେଲେ 2 ରୋଗୀ, ତ୍ରିପୁରା ହେଲା କୋରୋନା ଫ୍ରି

ତ୍ରିପୁରା ହେଲା କୋରୋନା ଫ୍ରି । ଏନେଇ ଗତ ଗୁରୁବାର ତ୍ରିପୁରା ମୁଖ୍ୟମନ୍ତ୍ରୀ ବିପ୍ଳବ କୁମାର ଦେବ ସୂଚନା ଦେଇଛନ୍ତି ।

ଅଗରତାଲା: ତ୍ରିପୁରା ହେଲା କୋରୋନା ଫ୍ରି। ଏନେଇ ଗତ ଗୁରୁବାର ତ୍ରିପୁରା ମୁଖ୍ୟମନ୍ତ୍ରୀ ବିପ୍ଳବ କୁମାର ଦେବ ସୂଚନା ଦେଇଛନ୍ତି । ଏଥିସହ ସେ କହିଛନ୍ତି, ରାଜ୍ୟର ଦ୍ବିତୀୟ କୋରୋନା ଆକ୍ରାନ୍ତଙ୍କ ରିପୋର୍ଟ ନେଗେଟିଭ ଆସିଛି । ବର୍ତ୍ତମାନ ଆମ ରାଜ୍ୟ କୋରୋନା ଫ୍ରି ହୋଇଛି । ଏଣୁ ମୁଁ ସମସ୍ତଙ୍କୁ ଅନୁରୋଧ କରୁଛି ଯେ, ସାମାଜିକ ଦୂରତ୍ବ ବଜାୟ ରଖିବା ସହ ସରକାରଙ୍କ ଗାଇଡଲାଇନ ମାନି ଚଳନ୍ତୁ । ଘରେ ରହି ସୁସ୍ଥ ରୁହନ୍ତୁ । ଏହାଛଡା ବିପ୍ଳବ କୁମାର ଦେବ କୋରୋନା ଯୋଦ୍ଧାମାନଙ୍କୁ ତ୍ରିପୁରାକୁ କୋରୋନା ଫ୍ରି କରାଇଥିବାରୁ ଧନ୍ୟବାଦ ଜଣାଇଛନ୍ତି ।

ପ୍ରକାଶ ଥାଉକି, ରାଜ୍ୟର ପ୍ରଥମ କୋରୋନା ରୋଗୀ ଅଗରତାଲାର ଜିବି ମେଡିକାଲରେ ଚିକିତ୍ସାଧୀନ ଥିଲେ । ତାଙ୍କ ରିପୋର୍ଟ ନେଗେଟିଭ ଆସିବା ପରେ ଗତ ଏପ୍ରିଲ 15ରେ ସେ ସୁସ୍ଥ ହୋଇ ଘରକୁ ଫେରିଥିବା ରାଜ୍ୟ ସ୍ବାସ୍ଥ୍ୟମନ୍ତ୍ରୀ ଦେବାଶିଷ୍ ବାଶୁ ସୂଚନା ଦେଇଛନ୍ତି ।