ଦିଲ୍ଲୀ ରାଜପଥରେ ଛାତିଥରା ଦୃଶ୍ୟ, କାର ବୋନେଟରେ ଟ୍ରାଫିକ ପୋଲିସଙ୍କୁ ଘୋଷାଡିଲେ ଡ୍ରାଇଭର

ଦିଲ୍ଲୀ ଟ୍ରାଫିକ ପୋଲିସର ଜଣେ ସୁରକ୍ଷାକର୍ମୀଙ୍କୁ ଏକ କାର ଚାଳକ ନିଡ ଗାଡିର ବୋନେଟରେ ଘୋଷାଡି ଘୋଷାଡି ନେଉଥିବାର ଦେଖିବାକୁ ମିଳିଛି । ଅଧିକ ପଢନ୍ତୁ...

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରୁ ଆସିଛି ଏକ ଛାତି ଥରାଇଦେବା ଭଳି ଘଟଣା । ଧୌଲାକୂଆଁରେ କର୍ତ୍ତବ୍ୟରତ ଦିଲ୍ଲୀ ଟ୍ରାଫିକ ପୋଲିସର ଜଣେ ସୁରକ୍ଷାକର୍ମୀଙ୍କୁ ଏକ କାର ଚାଳକ ନିଡ ଗାଡିର ବୋନେଟରେ ଘୋଷାଡି ଘୋଷାଡି ନେଉଥିବାର ଦେଖିବାକୁ ମିଳିଛି । ବେପରୁଆ କାର ଚାଳକ ଜଣଙ୍କର ଏପରି ନିନ୍ଦନୀୟ କାର୍ଯ୍ୟ ସିସିଟିଭିରେ କଏଦ ହୋଇଛି ।

ସୂଚନା ଅନୁଯାୟୀ ଏହି ବେପରୁଆ କାର ଚାଳକ ଜଣଙ୍କୁ ଅଟକାଇବାକୁ ଚେଷ୍ଟା କରିଥିଲେ ଟ୍ରାଫିକ ପୋଲିସ । ଏହି ସମୟରେ କାରଚାଳକ ଟ୍ରାଫିକ ପୋଲିସଙ୍କୁ ଗାଡିର ବୋନେଟରେ କିଛି ବାଟ ଘୋଷାଡି ନେଇଥିଲେ । ଟ୍ରାଫିକ ପୋଲିସ ଛଟପଟ ହେଉଥିବା ବେଳେ ଅଭିଯୁକ୍ତ କାର ଚାଳକ ଗାଡି ନ ଅଟକାଇ ଟ୍ରାଫିକ ପୋଲିସଙ୍କୁ ତଳେ ପକାଇଦେବାକୁ ଚେଷ୍ଟା କରିଥିଲେ ।

ଏପରି ଘଟଣା ସିସିଟିଭିରେ କଏଦ ହେବା ପରେ ପୋଲିସ ଏକ ମାମଲା ରୁଜୁ କରିଛି । ଅଭିଯୁକ୍ତ ବିରୋଧରେ ପଶ୍ଚିମ ଦିଲ୍ଲୀ କ୍ୟାଣ୍ଟ ପୋଲିସ ଷ୍ଟେସନରେ ଏତଲା ଦାଏର କରାଯାଇଛି ।