ଯୁବ ଆକ୍ରୋଶ ରାଲିରେ ଯୋଗଦେବେ ରାହୁଲ ଗାନ୍ଧୀ

ଦେଶର ଆର୍ଥିକ ଅବସ୍ଥା ଓ ବେକାରୀଙ୍କ ସମସ୍ୟା ନେଇ ମଙ୍ଗଳବାର ରାଜସ୍ଥାନରେ ଶାସକ କଂଗ୍ରେସ ପକ୍ଷରୁ ଆୟୋଜିତ ଯୁବ ଆକ୍ରୋଶ ରାଲିରେ ଯୋଗ ଦେବେ ୱାୟେନାଡ ସାଂସଦ ରାହୁଲ ଗାନ୍ଧୀ । ଏହି ସଭା ମାଧ୍ୟମରେ କେନ୍ଦ୍ରରେ କ୍ଷମତାସୀନ ବିଜେପିକୁ ଘେରିବା ଯୋଜନାରେ ରହିଛି ବିରୋଧି କଂଗ୍ରେସ। ରାହୁଲ ଗାନ୍ଧୀଙ୍କ ରାଜସ୍ଥାନ ଗସ୍ତକୁ ନେଇ ରାଜଧାନୀ ଜୟପୁରର ସଭାସ୍ଥଳକୁ ପ୍ରସ୍ତୁତ କରାଯାଉଛି। ଅଧିକ ପଢନ୍ତୁ...

ଜୟପୁର: ଦେଶର ଆର୍ଥିକ ଅବସ୍ଥା ଓ ବେକାରୀଙ୍କ ସମସ୍ୟାକୁ ନେଇ ମଙ୍ଗଳବାର ରାଜସ୍ଥାନରେ କ୍ଷମତାସୀନ ଶାସକ କଂଗ୍ରେସ ପକ୍ଷରୁ ଆୟୋଜିତ ହେଉଛି ଯୁବ ଆକ୍ରୋଶ ରାଲି । ଏଥିରେ ଯୋଗ ଦେବାକୁ ରାଜଧାନୀ ଜୟପୁର ଆସୁଛନ୍ତି ୱାୟେନାଡ ସାଂସଦ ରାହୁଲ ଗାନ୍ଧୀ ।

ଏହି ରାଲି ସ୍ଥଳ ପରିଦର୍ଶନରେ ଯାଇଥିବା ସମୟରେ ରାଜସ୍ଥାନ ଉପମୁଖ୍ୟମନ୍ତ୍ରୀ ସଚିନ ପାଇଲଟ କହିଛନ୍ତି, ‘ମୁଖ୍ୟତଃ ଆର୍ଥିକ ସଂକଟ, ବେକାରୀ ସମସ୍ୟା, ଜିଡିପି ଓ ଦରଦାମ ବୃଦ୍ଧି ଆଦି ପ୍ରସଙ୍ଗରେ ଲୋକଙ୍କୁ ଅବଗତ କରାଯିବ । ବର୍ତ୍ତମାନ କେନ୍ଦ୍ରରେ କ୍ଷମତାସୀନ ସରକାର ଏହି ସମସ୍ୟା ଉପରୁ ସାଧାରଣ ଲୋକଙ୍କ ନଜର ହଟାଇବା ପାଇଁ ଚେଷ୍ଟା କରୁଛନ୍ତି । ’ ରାହୁଲ ଗାନ୍ଧୀ ଆୟୋଜିତ ଯୁବ ଆକ୍ରୋଶ ରାଲିରେ ନାଗରିକତା ସଂଶୋଧନ ଆଇନ(ସିଏଏ) ଓ ଜାତୀୟ ନାଗରିକତା ପଞ୍ଜିକା(ଏନଆରସି) ପ୍ରସଙ୍ଗରେ ମତ ରଖିପାରନ୍ତି ।

ରାଜ୍ୟରେ ଦଳ ପକ୍ଷରୁ ଆୟୋଜିତ ଯୁବ ଆକ୍ରୋଶ ରାଲି ଉପରେ ପ୍ରତିକ୍ରିୟା ରଖି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହେଲଟ କହିଛନ୍ତି, ‘କେନ୍ଦ୍ର ସରକାର ଲୋକଙ୍କ ସମସ୍ୟାକୁ ନେଇ ଚୁପ ରହୁଛନ୍ତି କିନ୍ତୁ ଆମେ ବାରମ୍ବାର ଏହି ପ୍ରମୁଖ ସମସ୍ୟାକ ଜନମାନସକୁ ଆଣିବୁ । ’ କଂଗ୍ରେସ ଶାସିତ ରାଜସ୍ଥାନ ବିଧାନସଭାରେ ନାଗରିକତା ସଂଶୋଧନ ଆଇନ(ସିଏଏ) ବିରୋଧରେ ସଂକଳ୍ପ ପାରିତ ହୋଇଛି ।