ନୂଆଦିଲ୍ଲୀ: ଆଜି ଜାତୀୟ କଂଗ୍ରେସର 136ତମ ପ୍ରତିଷ୍ଠା ଦିବସ ପାଳନ କରାଯିବ । 1885 ମସିହା ଆଜିର ଦିନରେ ଗୋକୁଲ ଦାସ ତେଜପାଲ ସଂସ୍କୃତ କଲେଜରେ କଂଗ୍ରେସ ଦଳର ପ୍ରତିଷ୍ଠା ହୋଇଥିଲା । ପ୍ରତିଷ୍ଠା ଦିବସରେ ସାରାଦେଶରେ କଂଗ୍ରେସ ପକ୍ଷରୁ ତ୍ରିରଙ୍ଗା ଯାତ୍ରା କରାଯିବ । ଏହାସହ ସେଲଫି ଉଇଥ୍ ତ୍ରିରଙ୍ଗା କାର୍ଯ୍ୟକ୍ରମ ମଧ୍ୟ ଦଳ କରିବ ବୋଲି ରବିବାର କଂଗ୍ରେସ ମୁଖପାତ୍ର ରଣଦୀପ ସିଂ ସୂର୍ଯ୍ୟୋୱାଲା ।
ଦେଶରେ କଂଗ୍ରେସ ତାର 136ତମ ପ୍ରତିଷ୍ଠା ଦିବସ ପାଳନ କରି ତ୍ରିରଙ୍ଗା ଯାତ୍ରା କରିବ । ତେବେ ପ୍ରତିଷ୍ଠା ଦିବସରେ କଂଗ୍ରେସ ନେତା ରାହୁଲ ଗାନ୍ଧୀ ଉପସ୍ଥିତ ରହିବେ ନାହିଁ । ସେ ବ୍ୟକ୍ତିଗତ କାରଣ ପାଇଁ ଇଟାଲୀ ଯାଇଥିବା ଜଣାପଡିଛି ।