ଚେନ୍ନାଇ: ତାମିଲନାଡୁ ରାଜଭବନରେ ପୁଣି ପ୍ରବେଶ କଲା କୋରୋନା । ରାଜଭବନର ଆଉ 3 ଜଣ କର୍ମଚାରୀ କୋରୋନାରେ ସଂକ୍ରମିତ ହୋଇଛନ୍ତି । ଏହି ଘଟଣାପରେ ତାମିଲନାଡୁର ରାଜ୍ୟପାଳ ବନୱାରିଲାଲ ପୁରୋହିତ ଡାକ୍ତରୀ ପରାମର୍ଶକ୍ରମେ ସାତ ଦିନ ସଙ୍ଗରୋଧରେ ରହିବାକୁ ନିଷ୍ପତ୍ତି ନେଇଛନ୍ତି।
ରାଜଭବନର 38 ଜଣ କର୍ମଚାରୀଙ୍କର କୋରୋନା ପରୀକ୍ଷଣ କରାଯାଇଥିଲା । ସେମାନଙ୍କ ମଧ୍ୟରୁ 3 ଜଣଙ୍କର ରିପୋର୍ଟ ପଜିଟିଭ ଆସିଛି । ତେବେ ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନା ସ୍ଥାନାନ୍ତର କରାଯାଇଥିବା ରାଜଭବନ ପକ୍ଷରୁ କୁହାଯାଇଛି । ତେବେ ମଙ୍ଗଳବାର ରାଜ ଭବନ ମେଡିକାଲ ଅଧିକାରୀ ପୁରୋହିତଙ୍କ ନିୟମିତ ସ୍ୱାସ୍ଥ୍ୟ ଯାଞ୍ଚ କରିଥିଲେ । ସେ ସମ୍ପୂର୍ଣ୍ଣ ଭାବରେ ସୁସ୍ଥ ଥିବା ମେଡିକାଲ ଅଧିକାରୀ କହିଥିଲେ। ତେବେ ଡାକ୍ତର ତାଙ୍କୁ ସାତ ଦିନ ସଙ୍ଗରୋଧରେ ରହିବା ପାଇଁ ପରାମର୍ଶ ଦେଇଛନ୍ତି।