ଟିପୁ ସୁଲତାନଙ୍କୁ ହିରୋ କହିଲେ ଶଶୀ ଥରୁର

କଂଗ୍ରେସ ନେତା ଶଶୀ ଥରୁର ଟିପୁ ସୁଲତାନଙ୍କ ପୂଣ୍ୟ ତିଥିରେ ତାଙ୍କୁ ସ୍ମରଣ କରିବା ସହିତ ପାକିସ୍ତାନୀ ପ୍ରଧାନମନ୍ତ୍ରୀଙ୍କୁ ପ୍ରଶଂସା କରିଛନ୍ତି ।

ନୂଆଦିଲ୍ଲୀ: କଂଗ୍ରେସ ନେତା ଶଶୀ ଥରୁର ଟିପୁ ସୁଲତାନଙ୍କ ପୂଣ୍ୟ ତିଥିରେ ତାଙ୍କୁ ସ୍ମରଣ କରିବା ସହିତ ପାକିସ୍ତାନୀ ପ୍ରଧାନମନ୍ତ୍ରୀଙ୍କୁ ପ୍ରଶଂସା କରିଛନ୍ତି ।

ଟିପୁ ସୁଲତାନଙ୍କ ଭଳି ଜଣେ ମହାନ ହିରୋଙ୍କୁ ପାକିସ୍ତାନୀ ନେତା ସ୍ମରଣ କରୁଥିବାବେଳେ ଭାରତରେ ଟିପୁଙ୍କ ବିରୋଧ ହେବା ବଡ ଦୁର୍ଭାଗ୍ୟର ବିଷୟ ବୋଲି ଥରୁର କହିଛନ୍ତି । ଏଥି ସହିତ ପାକିସ୍ତାନ ଟିପୁଙ୍କୁ ମନେ ରଖିଥିବାବେଳେ ଆମେ କାହିଁକି ନୁହେଁ ବୋଲି ଥରୁର ପ୍ରଶ୍ନ କରିଛନ୍ତି ।

ଅନ୍ୟପକ୍ଷରେ ଶଶି ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନଙ୍କୁ ପ୍ରଶଂସା କରିବା ସହ ଭାରତୀୟ ଉପ ମହାଦେଶର ଇତିହାସ ବିଷୟରେ ଇମରାନଙ୍କର ରୁଚି ରହିଛି ବୋଲି ବ୍ୟକ୍ତିଗତ ଭାବେ ସେ ଜାଣିଥିବା କହିଛନ୍ତି ।

ଜଣେ ମହାନ ଭାରତୀୟ ହିରୋଙ୍କ ପୂଣ୍ୟ ତିଥିରେ ପାକିସ୍ତାନ ପ୍ରଧାନମନ୍ତ୍ରୀ ସ୍ମରଣ କରିବା ଏହା ନିରାଶର ବିଷୟ ବୋଲି ଶଶୀ ଟ୍ବିଟ୍ ଯୋଗେ ପ୍ରତିକ୍ରିୟା ଦେଇଛନ୍ତି ।