ଦାଦନ ଦୁଃଖ, ଗୁଜୁରାଟରେ ଜଳିଗଲେ 3 ଓଡିଆ ଶ୍ରମିକ

ଗୁଜୁରାଟ ଅହମ୍ମଦାବାଦ ନିକଟସ୍ଥ ଓଦ୍ଧବର ଏକ କାରଖାନାରେ ଅଗ୍ନିକାଣ୍ଡ । 3 ଓଡିଆ ଶ୍ରମିକ ମୃତ । ଅଧିକ ପଢନ୍ତୁ...

ଗାନ୍ଧୀନଗର: ଗୁଜୁରାଟ ଅହମ୍ମଦାବାଦ ନିକଟସ୍ଥ ଓଦ୍ଧବର ଏକ କାରଖାନାରେ ଅଗ୍ନିକାଣ୍ଡ ଘଟି 3 ଓଡିଆ ଶ୍ରମିକଙ୍କ ମୃତ୍ୟୁ ଘଟିଛି । ସମସ୍ତ ମୃତକ ଯାଜପୁର ଜିଲ୍ଲାର ବୋଲି ଜଣାପଡିଛନ୍ତି । ମୃତକମାନେ ଯମଧର ପଞ୍ଚାୟତର ଦୟାନିଧି ଖୁଣ୍ଟିଆ, ଚିନ୍ମୟ ଖୁଣ୍ଟିଆ ଓ କାମେଶ ସିଂ ବୋଲି ସୂଚନା ମିଳିଛି ।

ଶନିବାର, ଅପରାହ୍ନରେ ଏହି ଅଗ୍ନିକାଣ୍ଡ ଘଟିଥିଲା । ନିଆଁ ଲାଗିବାର ପାଖାପାଖି 3 ଘଣ୍ଟା ପରେ ନିଆଁକୁ ଅଗ୍ନିଶମ ବାହିନୀ ଆୟତ୍ତ କରିପାରିଥିଲା । ହେଲେ ସେତେବେଳକୁ 3 ଶ୍ରମିକଙ୍କ ମୃତ୍ୟୁ ହୋଇସାରିଥିବା କୁହାଯାଉଛି ।

ସେପଟେ ଅଗ୍ନିକାଣ୍ଡର କାରଣ ଜଣାପଡିନଥିବାବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ