ନୂଆଦିଲ୍ଲୀ: ବଢୁଛି ମହାମାରୀ କୋରୋନା ଭାଇରସର ଆତଙ୍କ । ସୋମବାର 3 ପ୍ରବାସୀ ଭାରତୀୟଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ବର୍ତମାନ ସାରା ବିଶ୍ବରେ ମୃତ୍ୟୁ ସଂଖ୍ୟା 15,300 ପହଞ୍ଚିଲାଣି ।
କୋରୋନା ସଚେତନତା
ମିଳିଥିବା ଖବର ଅନୁସାରେ, ଇରାନ, ଇଜିପ୍ଟ ଏବଂ ସ୍ବିଡେନର 3 ଜଣ ଭାରତୀୟଙ୍କ କୋରୋନା ପଜିଟିଭ୍ ଚିହ୍ନଟ କରାଯାଇଥିଲା । ସ୍ବିଡେନର ପ୍ରବାସୀ ଭାରତୀୟ ଜଣଙ୍କ ତାମିଲନାଡୁର । ତେବେ ତାଙ୍କୁ ପଜେଟିଭ୍ ଚିହ୍ନଟ କରାଯିବା ପରେ ସେ ଆତ୍ମହତ୍ୟା କରିଥିବା ସୂଚନା ମିଳିଛି । ସେହିପରି ଇରାନରେ ଦେହାନ୍ତ ହୋଇଥିବା ଭାରତୀୟ ନାଗରିକ ଲଦାଖରୁ ଜଣେ 61 ବର୍ଷ ବୟସ୍କ ବ୍ୟକ୍ତି ଥିଲେ । ଇଜିପ୍ଟରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ବୟସ 45 ବର୍ଷ ବୋଲି ସୂତ୍ରରୁ ପ୍ରକାଶ ହୋଇଛି ।