ଲକ୍ଷ୍ନୌ: ଉତ୍ତରପ୍ରଦେଶ ମିର୍ଜାପୁର ଜିଲ୍ଲାରେ ଅଘଟଣ । ପାଣିରେ ବୁଡିଯିବାରୁ ଗୋଟିଏ ପରିବାରର 3 ଜଣ ଶିଶୁଙ୍କର ମୃତ୍ୟୁ ଘଟିଛି । ଯେଉଁଥିରେ ଜଣେ ଭାଇ ରହିଥିବାବେଳେ ଆଉ 2 ଜଣ ଭଉଣୀ ରହିଛନ୍ତି । ଏହି ଘଟଣାରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି ।
ସୂଚନାମୁତାବକ, ଅହରୌରା ଥାନା ଅଞ୍ଚଳର ସୋନପୁର ଚିରୈୟା ପାହାଡ ନିକଟରେ ଏକ ଗଭୀର ପୋଖରୀ ରହିଛି । ଏହି ଅଞ୍ଚଳକୁ ଶୁକ୍ରବାର ଉକ୍ତ 3 ଭାଇ ଭଉଣୀ ପଶୁ ଚରେଇବାକୁ ଯାଇଥିଲେ । ଏହାପରେ ସେମାନେ ଉକ୍ତ ପୋଖରୀରେ ଗାଧୋଇବାକୁ ପଶିଥିବାବେଳେ ଏହି ଘଟଣା ଘଟିଥିଲା ।