ହାଇଦ୍ରାବାଦ: ଲକଡାଉନ ସତ୍ତ୍ବେ ରାତାରାତି ଲୋକପ୍ରିୟତା ସାଉଣ୍ଟିବାରେ ସଫଳ ହୋଇଛି ‘ଜୁମ’ ଆପ । ଏକ ସାଧାରଣ ଭିଡିଓ କନଫରେନ୍ସିଂ ଆପରୁ ଏବେ ଏହା ଦୈନନ୍ଦିନ ଘରୋଇ ଜୀବନର ଏକ ଅଂଶ ପାଲଟିଛି । ତେବେ ଏହି ଆପରେ ଖୁବ ଶୀଘ୍ର ରୋଲ ଆଉଟ ହେବାକୁ ୟାଉଛି କିଛି ଜରୁରୀ ଅପଡେଟ ।
କ’ଣ ରହିଛି ଏହି ଅପଡେଟ ଜାଣନ୍ତୁ :
- ବ୍ଲଗ ପୋଷ୍ଟର ସୂଚନା ମୁତାବକ ଜୁମ ଖୁବ ଶୀଘ୍ର AES 256-bit GCM ଏନକ୍ରିପ୍ଟିଂ ଷ୍ଟାଣ୍ଡାର୍ଡକୁ ଅପଗ୍ରେଡ ହେବାକୁ ଯାଉଛି । ଅନ୍ୟ ଶବ୍ଦରେ କହିବାକୁ ଗଲେ ଏହା ୟୁଜର୍ସଙ୍କର ମିଟିଂ ଡାଟାକୁ ଅଧିକ ସୁରକ୍ଷିତ ଓ ଗୁପ୍ତ ରଖିବ । ତେବେ ଏହି ଫିଚର ଆଗାମୀ ସପ୍ତାହେ ମଧ୍ୟରେ ରୋଲ ଆଉଟ ହେବା ନେଇ ସୂଚନା ରହିଛି ।
- ସିକ୍ୟୁରିଟି ଫିଚର ପାଇଁ ଆପ୍ରେ ଜୋଡି ହେବ ନୂଆ ଆଇକନ । ପୂର୍ବରୁ ମିଟିଂ ମେନ୍ୟୁରେ ଆପ୍ର ସିକ୍ୟୁରିଟି ଫିଚରକୁ ଆକ୍ସେସ କରିହେଉଥିଲା । ହେଲେ ଏବେ ଏନେଇ ଆଡ ହେବାକୁ ଯାଉଛି ଏକ ସ୍ବତନ୍ତ୍ର ଆଇକନ । ଯାହା ହୋଷ୍ଟଙ୍କର ମିଟିଂ ମେନ୍ୟୁ ବାରରେ ରହିବ । ଯାହାକୁ କ୍ଲିକ କରିବା ଦ୍ବାରା ଫିଚର ସବୁ ଦେଖି ହେବ ।
- ଜୁମ ଆପ୍ରେ କ୍ଲାଉଡ ରେକର୍ଡିଂ ଦ୍ବାରା ଆକ୍ସେସ କରୁଥିବା ୟୁଜର୍ସମାନଙ୍କ ପାଇଁ ଆସୁଛି କମ୍ପ୍ଲେକ୍ସ ପାସ୍ୱାର୍ଡ ସେଟିଂ । ଏହାଦ୍ବାରା ପ୍ଲାଟଫର୍ମ ଅଧିକ ସୁରକ୍ଷିତ ହୋଇପାରିବ ।
- ଆଉ ଭୁଲବଶତଃ ଶେୟାର କରି ହେବ ନାହିଁ ମିଟିଂ ଆଇଡି । କାରଣ ଜୁମ ଆପରେ ଥିବା ମିଟିଂ ଆଇଡି ଓ ଇନଭାଇଟ ଅପ୍ସନ ଜୁମର ମେନ ଇଣ୍ଟରଫେସରୁ ପାର୍ଟିସିପେଣ୍ଟ ମେନ୍ୟୁ ପର୍ଯ୍ୟନ୍ତ ହଟାଇ ଦିଆଯାଇଛି ।
- ଜୁମର ଲାଟେଷ୍ଟ ଭର୍ସନ ବିଭିନ୍ନ ଅରଗାନାଇଜେସନକୁ ଆକାଉଣ୍ଟ ମଧ୍ୟରେ କଣ୍ଟାକ୍ଟ ଲିଙ୍କ କରିବାର ଅଧିକାର ଯୋଗାଇବ । ଯାହା ଦ୍ବାରା ଲୋକେ ସହଜରେ ଓ ସୁରକ୍ଷିତ ଭାବେ ମିଟିଂ, ଚାଟ ଓ ଫୋନ କଣ୍ଟାକ୍ଟକୁ ସର୍ଚ୍ଚ କରିପାରିବେ ।
- ଲାଟେଷ୍ଟ ଅପଡେଟ ଦ୍ବାରା ହୋଷ୍ଟ ସିକ୍ୟୁରିଟି ଆଇକନକୁ ଯାଇ ଅନାବଶ୍ୟକ ୟୁଜର୍ସଙ୍କୁ ରିପୋର୍ଟ କରିପାରିବେ । ଏହା କୌଣସି ୟୁଜର୍ସକୁ ନିଜ ନାମ ପରିବର୍ତ୍ତନ କରିବାକୁ ମଧ୍ୟ ଅନୁମତି ଦେବ ନାହିଁ ।
- କୌଣସି ମିଟିଂରେ ଯୋଡି ହେବା ପୂର୍ବରୁ ପ୍ରତ୍ୟେକ ବ୍ୟକ୍ତିଙ୍କୁ ନିର୍ଦ୍ଦିଷ୍ଟ ଓ ଅଲଗା ୱେଟିଂ ରୁମରେ ରଖିବ ଲାଟେଷ୍ଟ ଅପଡେଟେଡ ଜୁମ ଆପ । ୱେଟିଂ ରୁମ ନାମକ ନୂଆ ଫିଚର ଦ୍ବାରା ଶିକ୍ଷା, ସାଧାରଣ ଓ ସିଙ୍ଗଲ ଲାଇସେନ୍ସ ପ୍ରୋ ଆକାଉଣ୍ଟ ଗୁଡିକୁ ୱେଟିଂରେ ରଖିହେବ । ଏଥିସହ ମିଟିଂ ମଧ୍ୟରେ ହୋଷ୍ଟ ଚାହିଁଲେ ଜଣଙ୍କୁ ୱେଟିଂ ରୁମରେ ମଧ୍ୟ ରଖି ପାରିବ ।
- ଜୁମ ଡ୍ୟାସ ବୋର୍ଡରେ ଜୋଡି ହେବ ନୂଆ ଅପଡେଟ । ଯାହା ଦ୍ବାରା ଯେକୌଣସି ଗ୍ରୁପର ଆଡମିନ ଜୁମ ଡାଟା ସେଣ୍ଟର ସହ ଯୋଗାଯୋଗ କରିପାରିବେ ।
- ନୂଆ ଅପଡେଟ ସହ ଚାଟିଂରେ ମଧ୍ୟ ୟୁଜର୍ସଙ୍କୁ ବିଭିନ୍ନ ସୁବିଧା ମିଳିବ । ଯେମିତି କି ୟୁଜର୍ସ ଚାହିଁଲେ ଚାଟ ନୋଟିଫିକେସନକୁ ନିଜ ସ୍ନିପେଟରୁ ହାଇଡ କରିପାରିବେ ।
