ବିଶାଖାପାଟଣା:ସ୍ବାମୀର ମଦ୍ୟପାନ ପରେ ମାନସିକ ଓ ଶାରୀରିକ ଯନ୍ତ୍ରଣାରେ ଅତିଷ୍ଠ ହୋଇ ସ୍ତ୍ରୀ ମଦରେ ବିଷ ମିଶାଇ ସ୍ବାମୀକୁ ହତ୍ୟା କରିଛି । ଏଭଳି ଘଟଣା ଦେଖିବାକୁ ମିଳିଛି ଆନ୍ଧ୍ରପ୍ରଦେଶ ରାଜ୍ୟର ବିଶାଖାପାଟଣା ଜିଲ୍ଲାର କୋୟରୁ ଅଞ୍ଚଳରେ ଥିବା ଭିମାବରମ ଗ୍ରାମରେ । ପୋଲିସ ଖବର ପାଇବା ପରେ ସ୍ତ୍ରୀ ମାଲାମ୍ମାକୁ ଗିରଫ କରିଛି ।
ମୃତକ ସ୍ବାମୀ ଜଣକ ସବୁବେଳେ ମଦ ପିଇ ସ୍ତ୍ରୀକୁ ଯନ୍ତ୍ରଣା ଦେଉଥିଲା । ଏହି ଅରଜାକତାକୁ ସ୍ତ୍ରୀ ସହ୍ୟ କରିପାରିନଥିଲା । ନିଜ ପିଲାମାନଙ୍କର ଭବିଷ୍ୟତ କଥା ଚିନ୍ତା କରି ଏବଂ ମାନସିକ ଓ ଶାରୀରିକ ଯନ୍ତ୍ରଣାରୁ ମୁକୁଳିବା ପାଇଁ ଏଭଳି ଦୁଃସାହାସ କାର୍ଯ୍ୟ କରିବାକୁ ବାଧ୍ୟ ହୋଇଥିଲା ବୋଲି ନିଜେ ପୋଲିସ ଆଗରେ ସ୍ବୀକାର କରିଥିଲା । ପୋଲିସ ପ୍ରଥମେ ମାମଲାକୁ ସନ୍ଦେହ ଘେରରେ ରଖିଥିଲା ମାତ୍ର ସ୍ତ୍ରୀ ମାଲାମ୍ମାଠାରୁ ଶୁଣିବା ପରେ ସ୍ତ୍ରୀକୁ ଗିରଫ କରିଛି ବୋଲି ଏସଆଇ ନଗେନ୍ଦ୍ର ସୂଚନା ଦେଇଛନ୍ତି ।