ହାଇଦ୍ରାବାଦ: ପୁଲୱାମା ଶହୀଦଙ୍କ ପରିବାରକୁ ସହାୟତା ପାଇଁ ଦିଅନ୍ତୁ ଲକ୍ଷେ ମିଳିବ ଜାମିନ । ଶହୀଦଙ୍କ ପରିବାରକୁ ଆର୍ଥିକ ସାହାଯ୍ୟ ପ୍ରଦାନ ପାଇଁ ତେଲେଙ୍ଗାନା ହାଇକୋର୍ଟ ଏପରି ନିଆରା ନିଷ୍ପତ୍ତି ନେଇଛନ୍ତି। ଠକେଇ ମାମଲାରେ ଫସି ଜାମିନ ପାଇଁ ଆସିଥିବା ଅଭିଯୁକ୍ତଙ୍କ ପାଇଁ ହାଇକୋର୍ଟ ଏପରି ସର୍ତ୍ତ ରଖିଥିଲେ ।
ହାଇକୋର୍ଟଙ୍କ ସର୍ତ୍ତ ଅନୁଯାୟୀ, ଜାମିନ ପାଇବାକୁ ହେଲେ ସୈନିକ ୱେଲଫେୟାର ଫଣ୍ଡ 1ଲକ୍ଷ ଟଙ୍କା ଦାନ କରନ୍ତୁ। ଏହା ପରେ ଜାମିନ ମିଳିବ । ହାଇକୋର୍ଟର ବିଚାରପତି ବି. ଶିବଶଙ୍କର ରାୟ ଏହିନିଷ୍ପତ୍ତି ନେଇଛନ୍ତି।
ସୂଚନା ଅନୁଯାୟୀ, ସନ ପରିବାର ଗ୍ରୁପ ନାମକ ଏକ କମ୍ପାନୀ 150 କୋଟି ଟଙ୍କା ଠକେଇ କରିଥିବା ଅଭିଯୋଗ ରହିଛି। ଏନେଇ ହାଇକୋର୍ଟରେ ମାମଲା ଚାଲିଛି । ଏହି ମାମଲାର ଜାମିନ ଶୁଣାଣି ବେଳେ କୋର୍ଟ ଏପରି ସର୍ତ୍ତ ରଖଛନ୍ତି।
ପୁଲୱାମା ଶହୀଦଙ୍କ ପରିବାରକୁ ଚାରିଆଡୁ ସହାୟତା ମିଳୁଛି । ଶହୀଦଙ୍କ ପରିବାର ଲୋକଙ୍କ ସହାୟତା ପାଇଁ କିଏ ବାହାଘର ବନ୍ଦ କରିଛି। ତ ପୁଣି କିଏ ଭିକ୍ଷା ବୃତ୍ତି କରି ସଞ୍ଚିତ କରିଥିବା ଅର୍ଥ ଶହୀଦଙ୍କ ପରିବାର ହାତକୁ ଟେକି ଦେଇଛି। ହେଲେ ବୀର ଶହୀଦଙ୍କ ପରିବାରକୁ ସହାୟତା ଯୋଗାଇ ଦେବା ପାଇଁ ନିଆରା ପଦକ୍ଷେପକୁ ସବୁ ମହଲରେ ପ୍ରଂଶସା କରାଯାଇଛି।