ନୂଆଦିଲ୍ଲୀ: ସ୍ନେହ ଓ ସୌହାର୍ଦ୍ଧ୍ୟର ପର୍ବ ରାକ୍ଷୀ ପୂର୍ଣ୍ଣିମା। ଏହି ଦିନ ଗେହ୍ଲୀ ଭଉଣୀ ଭାଇ ହାତରେ ବାନ୍ଧିଦିଏ ସୁରକ୍ଷାର ସୂତା। ତେବେ ଭଉଣୀର ସେହି ସୂତା ଖିଅକୁ ପାଥେୟ ଭାଇ ତାର ଛାଇ ହୋଇ ରହିବ ବୋଲି ପ୍ରତିଶୃତି ଦେଇଥାଏ।
ଏହି ପର୍ବ ଶ୍ରାବଣ ମାସର ପୂର୍ଣ୍ଣମୀ ଦିନ ପାଳନ କରାଯାଇଥାଏ । ତେବେ ଏହି ପବିତ୍ର ପର୍ବର ଶୁଭ ଅବସରରେ ବଡ ବଡ ନେତା ମନ୍ତ୍ରୀଙ୍କ ଶୁଭେଚ୍ଛାର ସୁଅ ଛୁଟିଛି। ଟ୍ବିଟରେ ସିରିଜ୍ ଟ୍ବିଟ କରି ସମସ୍ତେ ଏହି ଦିନର ଶୁଭକାମନା ଜଣାଇଛନ୍ତି।
ପ୍ରଧାନମନ୍ତ୍ରୀ ରକ୍ଷା ବନ୍ଧନର ପବିତ୍ର ପର୍ବରେ ସମସ୍ତ ଦେଶବାସୀଙ୍କୁ ଅନେକ ଅନେକ ଶୁଭେଚ୍ଛା ଜଣାଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବ୍ୟତୀତ ରାଷ୍ଟ୍ରପତି ରାମନାଥ କୋବିନ୍ଦ ମଧ୍ୟ ଟୁଇଟ୍ କରି ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି। ରାଷ୍ଟ୍ରପତି ଲେଖିଛନ୍ତି, 'ରକ୍ଷା ବନ୍ଧନ ପାଇଁ ସମସ୍ତ ଦେଶବାସୀଙ୍କୁ ଅଭିନନ୍ଦନ! ରାକ୍ଷୀ ହେଉଛି ପ୍ରେମ ଏବଂ ବିଶ୍ୱାସର ଅବିଭକ୍ତ ସୂତ୍ର ଯାହା ଭଉଣୀମାନଙ୍କୁ ଭାଇମାନଙ୍କ ସହିତ ଯୋଡିଥାଏ । ଆସ, ଆଜି ଆସନ୍ତୁ ମହିଳାମାନଙ୍କର ସମ୍ମାନ ଏବଂ ନିରାପତ୍ତା ପ୍ରତି ପ୍ରତିବଦ୍ଧ ରହିବାକୁ ଆମର ସଂକଳ୍ପକୁ ଦୋହରାଇବା ।
ଏହାସହ ଗୃହମନ୍ତ୍ରୀ ଅମିତ୍ ଶାହା କୋରୋନା ସହ ଲଢୁଥିବା ବେଳେ ମେଡିକାଲରେ ଥାଇ ମଧ୍ୟ ସମସ୍ତ ଭାଇ ଓ ଭଉଣୀଙ୍କୁ ଏହି ପବିତ୍ର ଦିନର ଶୁଭେଚ୍ଛା ଟ୍ବିଟ କରି ଜଣାଇଛନ୍ତି। ଅନ୍ୟପଟେ ପ୍ରତିରକ୍ଷା ମନ୍ତ୍ରୀ ରକ୍ଷାବନ୍ଧନର ପବିତ୍ର ପର୍ବରେ ସମସ୍ତଙ୍କୁ ହାର୍ଦ୍ଦିକ ଶୁଭେଚ୍ଛା! ଜଣାଇଛନ୍ତି।
ବହୁଜନ ସମାଜ ପାର୍ଟି ମୁଖ୍ୟ ମାୟାବତୀ ମଧ୍ୟ ଏହି ଅବସରରେ ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି। ମାୟାବତୀ ତାଙ୍କ ଟୁଇଟ୍ରେ ଲେଖିଛନ୍ତି ଯେ ରକ୍ଷା ବନ୍ଧନରେ ଦେଶବାସୀଙ୍କୁ ହାର୍ଦ୍ଦିକ ଅଭିନନ୍ଦନ ଏବଂ ଶୁଭେଚ୍ଛା, ଯାହାକି ଭାଇଭଉଣୀଙ୍କ ଏକ ବାର୍ଷିକ ଉତ୍ସବ ଯେଉଁଥିରେ ଭଉଣୀ ରାକ୍ଷୀକୁ ତାଙ୍କ ଭାଇଙ୍କ ହାତରେ ବାନ୍ଧି ରଖିଛନ୍ତି। ସମାଜର ମଙ୍ଗଳ ପାଇଁ ସମସ୍ତ ଲୋକ ଏହି ପର୍ବର ପବିତ୍ର ଆତ୍ମା ଅଧୀନରେ ନିର୍ମଳ ମନ ସହିତ ନିଜ ଜୀବନକୁ ବଞ୍ଚାଇବାକୁ ଚେଷ୍ଟା କରିବା ଉଚିତ୍ ।
