ସିମଲା: ହିମାଚଳରେ ବର୍ଷର ସବୁଠୁ ବଡ ହିମପାତ। ବୁଧବାର ସକାଳ 5ଟାରୁ ଆରମ୍ଭ ହୋଇ ସନ୍ଧ୍ୟା ପର୍ଯ୍ୟନ୍ତ ଜାରି ରହିଥିଲା । ତେଣୁ ରାଜ୍ୟରେ 5 ଇଞ୍ଚର ବରଫ ଜମିରହିଛି । ପ୍ରବଳ ବରଫପାତ ଯୋଗୁଁ ଜାତୀୟ ରାଜପଥ ବନ୍ଦ ହୋଇଯାଇଛି। ତେବେ ଏତେ ମାତ୍ରାରେ ବରଫପାତ ଯୋଗୁଁ ପୃଥିବୀ ରାଣୀ ଧଳା ଚାଦରରେ ସମ୍ପୂର୍ଣ୍ଣ ଭାବେ ଘୋଡେଇ ହେବା ପରି ପ୍ରତୀତ ହେଉଛି ।
ହିମାଚଳରେ ବର୍ଷର ପ୍ରଥମ ବଡ ହିମ ପାତ
ବରଫପାତ ଯୋଗୁଁ ଥଣ୍ଡାର ପ୍ରକୋପ ବୃଦ୍ଧି ପାଇଛି । ଫଳରେ ହାଡଭଙ୍ଗା ଶୀତରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଘରୁ ବାହାରିବା ମୁସ୍କିଲ ହୋଇପଡିଛି । ଶୀତ ବସ୍ତ୍ର ଓ ନିଆଁର ସାହାରାରେ ଦିନ କାଟୁଛନ୍ତି ଲୋକେ । ଏତେ ମାତ୍ରାରେ ବରଫପାତ ଯୋଗୁଁ କେତେକ ସ୍ଥାନରେ ବହୁ ଅଘଟଣ ଦେଖିବାକୁ ମିଳିଛି । ସେହିଭଳି ଜଣେ ଯୁବକର ପାଦ ଖସି ଯିବାରୁ ଖାଇରେ ପଡି ମୃତ୍ୟୁ ହୋଇଥିବାବେଳେ ବଡ ହିମ ଖଣ୍ଡ ପଡି କେତେକ ସ୍ଥାନରେ ଘର ଓ ଗାଡି କ୍ଷତିଗ୍ରସ୍ତ ହୋଇଛି।