ଆମେରିକାରେ ପୁଣି ନରସଂହାର: 20 ମୃତ, 26 ଗୁରୁତର

ଆମେରିକାରେ ପୁଣି ଗୁଳିମାଡ । ଟେକ୍ସାସର ଏକ ସପିଙ୍ଗ ମଲରେ ଜଣେ ଦୁର୍ବୃତ୍ତର ଆଖିବୁଜା ଗୁଳିମାଡରେ 20ଜଣଙ୍କ ମୃତ୍ୟୁ ଘଟିଥିବା ବେଳେ 26 ଜଣ ଗୁରୁତର ଆହତ ହୋଇଛନ୍ତି ।

ୱାଶିଂଟନ: ଆମେରିକାର ଟେକ୍ସାସରେ ନରସଂହାର । ଗୁଳିମାଡରେ 20 ଜଣ ପ୍ରାଣ ହରାଇଥିବାବେଳେ 26ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ଟେକ୍ସାସର ଏକ ସପିଂ ମଲରେ ଏହି ଗୁଳିମାଡ ହୋଇଛି । ଏହି ଘଟଣାରେ ଜଣଙ୍କୁ ଅଟକ ରଖିଛି ପୋଲିସ ।

ସୂଚନା ଅନୁଯାୟୀ, ଟେକ୍ସାସରେ ଥିବା ଏକ ସପିଂ ମଲରେ ହଠାତ୍ ଏକ ଦୁର୍ବୃତ୍ତ ଆଖିବୁଜା ଗୁଳି ବର୍ଷଣ କରିଥିଲା । ଫଳରେ ଏହି ଅଘଟଣ ଘଟିଛି । ସେପଟେ ଇଆଇ ପାସୋ ପୋଲିସ, ଏଫବିଆଇ ଓ ଏଟିଏଫର ଏକ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ କେଉଁ କାରଣରୁ ଏହି ଗୁଳିମାଡ ହୋଇଛି ତାହା ଜଣାପଡି ନାହିଁ ।

ଏହି ଘଟଣାକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୁଃଖ ପ୍ରକାଶ କରିବା ସହ ଘଟଣା ଉପରେ ନଜର ରଖିଛନ୍ତି ।