ଜୈଶ-ଏ-ମହମ୍ମଦ ସହ ଜଡିତ ଆତଙ୍କବାଦୀ ଗିରଫ

ଆତଙ୍କୀ ସଙ୍ଗଠନ ଜୈଶ-ଏ-ମହମ୍ମଦ ସହ ଜଡିତ ଜଣେ ଆତଙ୍କବାଦୀକୁ ଅସ୍ତ୍ରଶସ୍ତ୍ର ସହ ଗିରଫ କରିଛି ଜମ୍ମୁ-କାଶ୍ମୀର ପୋଲିସ।

ଶ୍ରୀନଗର: ରବିବାର ଆତଙ୍କୀ ସଙ୍ଗଠନ ଜୈଶ-ଏ-ମହମ୍ମଦ ସହ ଜଡିତ ଜଣେ ଆତଙ୍କବାଦୀ ଗିରଫ ହୋଇଛି । ଜାମ୍ମୁ-କାଶ୍ମୀରର ଅବନ୍ତୀପୌରା ଅଞ୍ଚଳରୁ ଆତଙ୍କବାଦୀକୁ ଗିରଫ କରିଛି ପୋଲିସ। ଗିରଫ ଆତଙ୍କବାଦୀର ନାଁ ରସିକ୍‌ ଶେଖ୍‌। ଗିରଫ ଆତଙ୍କବାଦୀ ପାଖରୁ ଅନେକ ଅସ୍ତ୍ରଶସ୍ତ୍ର ଜବତ କରାଯାଇଛି।

ପୋଲିସ ରେକର୍ଡ ଅନୁସାରେ, ରସିକ୍‌ ଜୈଶର ସକ୍ରିୟ ଆତଙ୍କବାଦୀ ସଙ୍ଗଠନ ସହ ଜଡିତ ଥିଲା। ଗିରଫ ପରେ ତା' ବିରୁଦ୍ଧରେ ମାମଲା ରୁଜୁ କରାଯାଇଛି। ସେହିପରି ଚଳିତ ମାସ ଆରମ୍ଭରେ ଜଣେ ଆତଙ୍କବାଦୀକୁ ବିପୁଳ ମାତ୍ରାରେ ହତିଆର ଏବଂ ଗୋଳାବାରୁଦ ସହ କିସ୍ତୱାର ଜିଲ୍ଲାର ଇକହାଲା ପ୍ଲମର ଜଙ୍ଗଲରୁ ଗିରଫ କରିଥିଲା ପୋଲିସ।