ପାଟନା: ବିହାର ବିଧାନସଭା ନିର୍ବାଚନ ପୂର୍ବରୁ ରାଜ୍ୟ ରାଜନୀତି ସରଗରମ ହୋଇଛି । ଶାସକ ଦଳ ଜେଡିୟୁର 50 ପ୍ରତିଶତ ବିଧାୟକ ଆରଜେଡି ସମ୍ପର୍କରେ ଥିବା ପୂର୍ବତନ ମୁଖ୍ୟ ମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ବଡ ପୁଅ ତେଜ ପ୍ରତାପ ଯାଦବ କହିଛନ୍ତି । ତେବେ ଏହି ନିର୍ବାଚନରେ ରାଷ୍ଟ୍ରୀୟ ଜନତା ଦଳ ସମ୍ପୁର୍ଣ୍ଣ ଶକ୍ତି ଲଗାଇ ଲଢିବ ବୋଲି ସେ କହିଛନ୍ତି ।
'ଜେଡିୟୁର 50 ପ୍ରତିଶତ ବିଧାୟକ ଆରଜେଡିର ସମ୍ପର୍କରେ ଅଛନ୍ତି'
ପୂର୍ବତନ କେନ୍ଦ୍ର ମନ୍ତ୍ରୀ ରଘୁବଂଶ ପ୍ରସାଦ ସିଂଙ୍କର ଦଳ ସହ କିଛିଟା ବିବାଦ ଜାରି ରହିଛି । ସେ ଆରଜେଡି ଛାଡି ଜେଡିୟୁରେ ସାମିଲ ହେବେ ବୋଲି ଚର୍ଚ୍ଚା ହେଉଛି । ତେବେ ଏହି ଖବରକୁ ଖଣ୍ଡନ କରି ତେଜ ପ୍ରତାପ କହିଛନ୍ତି, ମୁଁ ପ୍ରତିଦିନ ରଘୁବଂଶଙ୍କ ସହ କଥା ହେଉଛି । ଜେଡିୟୁର 50 ପ୍ରତିଶତ ବିଧାୟକ ଆରଜେଡିର ସମ୍ପର୍କରେ ଅଛନ୍ତି । ସମୟ ଆସିଲେ ସେମାନଙ୍କ ନାମ ପ୍ରକାଶ କରାଯିବ ବୋଲି ସେ କହିଛନ୍ତି ।