ଜୟପୁର: ଦେଶରେ କାୟା ବିସ୍ତାର କରୁଛି ସ୍ୱାଇନ ଫ୍ଲୁ । ଏହିକ୍ରମରେ ଏହାର ଆକ୍ରାନ୍ତ ଓ ମୃତକଙ୍କ ସଂଖ୍ୟା ମଧ୍ୟ ବଢି ଚାଲିଛି । ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ଜାରି କରାଯାଇଥିବା ରିପୋର୍ଟ ଅନୁସାରେ, ସୋମବାର ରାଜସ୍ଥାନରେ ସ୍ୱାଇନ ଫ୍ଲୁ ଭୂତାଣୁରେ ସଂକ୍ରମିତ 79ଟି ତାଜା ମାମଲାର ସୂଚନା ମିଳିଛି ।
ଇତିମଧ୍ୟରେ ରାଜ୍ୟରେ ସ୍ୱାଇନ ଫ୍ଲୁରେ ବାରମେର, ଜୈସଲମେର, ଜୟପୁର, ଉଦୟପୁର, ଏବଂ ଚିତୋରଗଡରେ 5 ଜଣଙ୍କ ମୃତ୍ୟୁ ହୋଇଛି । ଚଳିତ 1 ମାସ(ଜାନୁଆରୀ1-ଫେବୃଆରୀ11) ମଧ୍ୟରେ ରାଜ୍ୟରେ 112ଜଣଙ୍କ ମୃତ୍ୟୁ ହୋଇଛି ।