କୋଲକାତା: ଦୁଇ ଦିନିଆ ପଶ୍ଚିମବଙ୍ଗ ଗସ୍ତରେ ରହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସ୍ବାମୀ ବିବେକାନନ୍ଦଙ୍କ 157 ତମ ଜନ୍ମ ଜୟନ୍ତୀଙ୍କୁ ସାରା ଦୁନିଆ ପାଳୁଥିବା ବେଳେ ରବିବାର ସକାଳେ କୋଲକାତା ସ୍ଥିତ ଐତିହାସିକ ବେଲୁର ମଠର ରାମକୃଷ୍ଣ ମନ୍ଦିରରେ ପୂଜାର୍ଚ୍ଚନା କରିଛନ୍ତି ମୋଦି। ଏହାସହ ମଠରେ ସାଧୁ ସନ୍ଥଙ୍କ ସହ ସାକ୍ଷାତ କରିଛନ୍ତି ପ୍ରଧାନମନ୍ତ୍ରୀ । ରାମକୃଷ୍ଣ ପରମହଂସଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ପିଏମ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ମଠରେ ରାତ୍ରୀଯାପନ କରିଛନ୍ତି । ଏହାକୁ ଆଖି ଆଗରେ ରଖି ଅତିଥି ଭବନରେ କଡା ସୁରକ୍ଷା ଯୋଗାଇଥିଲେ ଏସ୍ପିଜି ଏବଂ ରାଜ୍ୟ ପୋଲିସ । ଏହି ମଠରେ ରାତ୍ରୀଯାପନ କରିବାରେ ମୋଦି ପ୍ରଥମ ପ୍ରଧାନମନ୍ତ୍ରୀ ।
ଫଟୋ ସୌଜନ୍ୟ:ଟ୍ବିଟର@narendramodi
ମିଶନ୍ର ଅଧ୍ୟକ୍ଷ ସ୍ବାମୀ ଶାରଦାନନ୍ଦଙ୍କୁ ମଧ୍ୟ ସେ ଗତକାଲି ଭେଟିଥିଲେ । ଏହାପରେ ମୋଦି ରାଷ୍ଟ୍ରୀୟ ଯୁବ ଦିବସ ଓ ସ୍ବାମୀ ବିବେକାନନ୍ଦଙ୍କ ଜୟନ୍ତୀ ଅବସରରେ ରାଷ୍ଟ୍ରବାସୀଙ୍କୁ ସମ୍ଭୋଧନ କରିଛନ୍ତି ।
