ନୂଆଦିଲ୍ଲୀ: ହାଥରସ ଘଟଣାକୁ ନେଇ ସିବିଆଇ ତଦନ୍ତ ଆରମ୍ଭ କରିଛି। ଅନ୍ୟପକ୍ଷେ ଜାତିଗତ ହିଂସା ସମ୍ପର୍କରେ ରାଜ୍ୟ ସରକାର ଯାହା ପ୍ରକାଶ କରିଛନ୍ତି ତାହା ମଧ୍ୟ ଅନୁସନ୍ଧାନ ଚାଲିଛି। ଏହି ମାମଲାରେ ୟୁପି ସରକାର କେରଳର ସାମ୍ବାଦିକ ସିଦ୍ଦିକି କପନଙ୍କ ସମେତ 4 ଜଣଙ୍କୁ ଗିରଫ କରିଛନ୍ତି। ତେବେ ସିଦ୍ଦିକି କପନଙ୍କ ଜାମିନ ଆବେଦନ ନେଇ ସୁପ୍ରିମକୋର୍ଟରେ ଶୁଣାଣି ହୋଇଛି ।
ହାଥରସ ମାମଲା: ସାମ୍ବାଦିକଙ୍କ ଜାମିନ ଆବେଦନ ତଳକୋର୍ଟରେ କରିବାକୁ SC ଙ୍କ ନିର୍ଦ୍ଦେଶ
ହାଥରସ ଘଟଣାକୁ ନେଇ ସିବିଆଇ ତଦନ୍ତ ଆରମ୍ଭ କରିଛି। ଜାତିଗତ ହିଂସା ମାମଲାରେ ଗିରଫ ସାମ୍ବାଦିକଙ୍କ ଆବେଦନକୁ ନେଇ ସୁପ୍ରିମକୋର୍ଟରେ ଆଜି ଶୁଣାଣି ହୋଇଛି ।
ହାଥରସ କାଣ୍ଡ
ଜାମିନ ପାଇଁ ଆବେଦନକାରୀଙ୍କୁ ଉପଯୁକ୍ତ କୋର୍ଟରେ ଆବେଦନ କରିବାକୁ କହିଛନ୍ତି ସୁପ୍ରିମକୋର୍ଟ। ମାତ୍ର ଆବେଦନକାରୀ କହିଛନ୍ତି ଯେ ଏଭଳି ମାମଲାରେ କୌଣସି କୋର୍ଟ ଶୀଘ୍ର ଜାମିନ ଦେବେ ନାହିଁ। ଏହାର ଉତ୍ତରରେ ମୁଖ୍ୟ ବିଚାରପତି କହିଛନ୍ତି ଯେ ତଳକୋର୍ଟରୁ ଜାମିନ ନ ମିଳିଲେ ଆବେଦନକାରୀ ସୁପ୍ରିମକୋର୍ଟ ଆସିପାରିବେ। କୋର୍ଟ ବର୍ତ୍ତମାନ ଏହି ମାମଲାର ଶୁଣାଣିକୁ ଦୁଇ ସପ୍ତାହ ପାଇଁ ସ୍ଥଗିତ ରଖିଛନ୍ତି।
ପ୍ରକାଶଥାଉକି, ହାଥରସ ଗଣଦୁଷ୍କର୍ମ ଘଟଣା ପରେ ବହୁ ରାଜନୈତିକ ଉତ୍ତେଜନା ଦେଖାଦେଇଥିଲା । ଏହାପରେ ୟୁପି ସରକାର ଜାତିଗତ ଦଙ୍ଗା ଷଡଯନ୍ତ୍ର ଅଭିଯୋଗ କରି 4 ଜଣଙ୍କୁ ଗିରଫ କରିଥିଲେ । ଏଥିରେ ମାଲାୟଲାମ ସାମ୍ବାଦିକ ମଧ୍ୟ ରହିଥିଲେ । ସାମ୍ବାଦିକଙ୍କ ବିରୁଦ୍ଧରେ UAPA ଅଧୀନରେ ମାମଲା ରୁଜୁ ହୋଇଛି ।