ନିର୍ଭୟା ମାମଲା:ଆଜି ସୁପ୍ରିମକୋର୍ଟରେ ଦୋଷୀ ମୁକେଶ ଯାଚିକାର ଶୁଣାଣି

ରାଷ୍ଟ୍ରପତିଙ୍କ ଦ୍ବାରା ଦୟା ଯାଚିକା ଖାରଜକୁ ନେଇ ଦୋଷୀ ମୁକେଶ ଦ୍ବାରା କରାଯାଇଥିବା ଯାଚିକା ଉପରେ ଆଜି ଶୁଣାଣି ହେବ।

ନୂଆଦିଲ୍ଲୀ: ନିର୍ଭୟା ଗଣଦୁଷ୍କର୍ମ ଘଟଣାରେ ଦୋଷୀ ମୁକେଶ ଦ୍ବାରା କରାଯାଇଥିବା ଏକ ଯାଚିକାର ଆଜି ଶୁଣାଣୀ କରାଯିବ। ରାଷ୍ଟ୍ରପତିଙ୍କ ଦ୍ବାରା ଦୟା ଯାଚିକା ଖାରଜ ହେବାପରେ ଏହା ବିରୋଧରେ ମୁକେଶ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛି। ବିଚାରପତି ଆର୍ ଭାନୁମତୀ, ଏ ଏସ ବୋପନ୍ନା ଓ ଅଶୋକ ଭୂଷଣଙ୍କୁ ନେଇ ଗଠିତ 3 ଜଣିଆ ଖଣ୍ଡପୀଠ ଏହି ଯାଚିକାର ଶୁଣାଣି କରିବେ।

ଅନ୍ୟପକ୍ଷେ ଦୋଷୀ ମୁକେଶ ସିଂହକୁ ଜେଲରେ ଯୌନ ଉତ୍ପୀଡନ କରାଯାଇଥିବା ନେଇ ମୁକେଶର ଓକିଲ ଅଞ୍ଜନା ପ୍ରକାଶ ସୁପ୍ରିମକୋର୍ଟରେ ଯାଚିକା ଦାଖଲ କରିଛନ୍ତି। ତାଙ୍କ ଅଭିଯୋଗ ଅନୁସାରେ, ମୁକେଶଙ୍କୁ ଯୌନ ନିର୍ଯ୍ୟାତନା ଦିଆଯାଇଛି ଓ ସେତେବେଳେ ଜେଲ ଅଧିକାରୀ ମଧ୍ୟ ଉପସ୍ଥିତ ଥିବା ଯାଚିକାରେ ଉଲ୍ଲେଖ କରାଯାଇଛି । ଆସନ୍ତା ଫେବୃଆରୀ ପହିଲାରେ ନିର୍ଭୟା ଦୋଷୀଙ୍କୁ ଫାଶୀ ଦିଆଯିବାର ରହିଛି।