ମହାରାଷ୍ଟ୍ର ହାଇଡ୍ରାମା: ଆଜି ସୁପ୍ରିମକୋର୍ଟରେ ଶୁଣାଣି

ମହାରାଷ୍ଟ୍ର ମାମଲାରେ ରବିବାର ଦିନ 11.30ରେ ସୁପ୍ରିମକୋର୍ଟରେ ଶୁଣାଣି । ମୁଖ୍ଯମନ୍ତ୍ରୀ ଫଡନାଭିସଙ୍କ ଶପଥ ଗ୍ରହଣକୁ ବିରୋଧ କରି ଏନସିପି, ଶିବସେନା ଓ କଂଗ୍ରେସ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ।

ହାଇଦ୍ରାବାଦ: ମହାରାଷ୍ଟ୍ର ମହାଡ୍ରାମା ଏବେ ସୁପ୍ରିମକୋର୍ଟରେ ପହଞ୍ଚିଛି । ନୂଆ ସରକାରର ଶପଥ ଗ୍ରହଣ ବିରୋଧରେ ଏନସିପି, ଶିବସେନା ଓ କଂଗ୍ରେସ ଉଚ୍ଚତମ ନ୍ୟାୟାଳୟର ଦ୍ବାରସ୍ଥ ହୋଇଛନ୍ତି । ମହାରାଷ୍ଟ୍ର ରାଜ୍ୟପାଳଙ୍କ ଆଦେଶକୁ ରଦ୍ଧ କରିବା ପାଇଁ ତିନି ଦଳ ଆବେଦନ କରିଛନ୍ତି । ଏ ମାମଲାରେ ଆଜି (ରବିବାର) ସୁପ୍ରିମକୋର୍ଟରେ ଦିନ 11.30ରେ ଶୁଣାଣି ହେବ ।

ସୁପ୍ରିମକୋର୍ଟରେ ଦାଏର ଯାଚିକାରେ ଶିବସେନା, କଂଗ୍ରେସ ଓ ଏନସିପି 154 ବିଧାୟକଙ୍କ ସମର୍ଥନ ଥିବା ଦାବି କରିଛନ୍ତି । ଶିଘ୍ର ବିଧାନସଭାରେ ସ୍ବତନ୍ତ୍ର ଅଧିବେଶନ ଡକାଇ ସଂଖ୍ୟା ଗରିଷ୍ଠତା ପ୍ରମାଣ କରିବାକୁ ସୁପ୍ରିମକୋର୍ଟଙ୍କୁ ଆବେଦନ କରିଛନ୍ତି 3 ଦଳ ।