ଚେନ୍ନାଇ: ସବୁ କଳ୍ପନା ଜଳ୍ପନାରେ ପଡିଲା ଫୁଲଷ୍ଟପ୍ । ସୁପରଷ୍ଟାର ରଜନୀକାନ୍ତ ଲୋକସଭା ନିର୍ବାଚନରେ ଲଢିବେନି । ଉଭୟ ତାଙ୍କ ଦଳ 'ରଜନୀ ମକ୍କଲ ମନଡ୍ରାମ' ଏବଂ ସେ ନିର୍ବାଚନରୁ ଦୁରେଇ ରହିବେ ବୋଲି ଆଜି ସ୍ପଷ୍ଟ କରିଛନ୍ତି । ଏମିତିକି ତାଙ୍କୁ ଅନ୍ୟ ରାଜନୈତିକ ଦଳ ସହ ନ ଯୋଡିବା ପାଇଁ ବାରଣ କରିଛନ୍ତି । କେବଳ ତାଙ୍କ ଦଳ ଓ ରାଜନୀକାନ୍ତ ଫ୍ୟାନ କ୍ଲବ ତାଙ୍କର ଫଟୋକୁ ବ୍ୟବହାର କରିପାରିବ ବୋଲି ସେ କହିଛନ୍ତି ।
ତେବେ ଆଗାମୀ ଲୋକସଭା ନିର୍ବାଚନରେ ତାଙ୍କ ଦଳ କୌଣସି ଦଳକୁ ସମର୍ଥନ କରିବ ନାହିଁ ବୋଲି କହିଛନ୍ତି । ତାମିଲନାଡୁରେ ପାଣି ମୁଖ୍ୟ ସମସ୍ୟା ରହିଛି । ଆଗାମୀ ଲୋକସଭା ନିର୍ବାଚନରେ ଏହି ପ୍ରସଙ୍ଗକୁ ନେଇ ଲୋକଙ୍କ ପାଖକୁ ଯିବେ ବୋଲି କହିଛନ୍ତି । ଯିଏ ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେବ ସେହି ଦଳକୁ ଜନତା ଭୋଟ ଦେବା ଉଚିତ ବୋଲି ସେ କହିଛନ୍ତି ।