ମାସ୍କ ପିନ୍ଧିବା ନେଇ ସିଆରପିଏଫ ଓ ପୋଲିସ ମଧ୍ୟରେ ମାରପିଟ, ପୋଲିସ ଅଧିକାରୀ ନିଲମ୍ବିତ

କର୍ଣ୍ଣାଟକର ଉତ୍ତରପଶ୍ଚିମ ଅଞ୍ଚଳରେ ମାସ୍କ ପିନ୍ଧିବା ନେଇ ସିଆରପିଏଫ ଓ ପୋଲିସ ମଧ୍ୟରେ ମାରପିଟ । ଏହି ଅଭିଯୋଗରେ ପୋଲିସ ଅଧିକାରୀଙ୍କୁ ନିଲମ୍ବିତ କରାଗଲା । ପଢନ୍ତୁ ସମ୍ପୂର୍ଣ୍ଣ ଖବର...

ବେଙ୍ଗାଲୁରୁ: କର୍ଣ୍ଣାଟକର ଉତ୍ତରପଶ୍ଚିମ ଅଞ୍ଚଳରେ କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ (ସିଆରପିଏଫ) ର କମାଣ୍ଡୋ ସଚିନ ସାୱନ୍ତଙ୍କ ସହ ମାରପିଟ ଅଭିଯୋଗରେ ଜଣେ ପୋଲିସ ଅଧିକାରୀଙ୍କୁ ନିଲମ୍ବିତ କରାଯାଇଛି । ରାଜ୍ୟର ଉତ୍ତରପଶ୍ଚିମ ରେଞ୍ଜର ପୋଲିସ ମହାନିର୍ଦ୍ଦେଶକ ରାଘବେନ୍ଦ୍ର ସୁହାସ ଗୁରୁବାର ଏହାର ସୂଚନା ଦେଇଛନ୍ତି ।

ସେ କହିଛନ୍ତି, ‘ଜଣେ ସବ-ଇନ୍ସପେକ୍ଟରଙ୍କୁ ସିଆରପିଏଫ ସହ ମାରପିଟ କରିବା ଅଭିଯୋଗରେ ନିଲମ୍ବିତ କରାଯାଇଛି ।’ ଏପ୍ରିଲ 23 ତାରିଖରେ ସାୱନ୍ତ ଏବଂ 2ଜଣ ପୋଲିସ ଅଧିକାରୀଙ୍କ ମଧ୍ୟରେ ମାସ୍କ ପିନ୍ଧିବା ନେଇ ଝଗଡ଼ା ଆରମ୍ଭ ହୋଇଥିଲା । ସାୱନ୍ତ ବେଙ୍ଗାଲୁରୁରୁ 590 କିଲୋମିଟର ଉତ୍ତରପଶ୍ଚିମ ଅଞ୍ଚଳର ସଦଲଗା ସହର ନିକଟସ୍ଥ ଏକସାମ୍ବା ଗାଁରେ ବିନା ମାସ୍କରେ ଥିଲେ । ସାୱନ୍ତ 207 କମାଣ୍ଡୋ ବାଟାଲିଅନରେ ଅଛନ୍ତି ।

@IANS