ନୂଆଦିଲ୍ଲୀ: ଦିଲ୍ଲୀ ଓ ଏନସିଆରରେ ପ୍ରଦୂଷଣ ସଙ୍କଟ ବଢିବାରେ ଲାଗିଛି ଆଉ ଏହାକୁ ନେଇ ରାଜନୀତି ତୀବ୍ର ହେବାରେ ଲାଗିଛି । ପଞ୍ଜାବରେ ଚାଷୀ ଓ ସରକାରଙ୍କ ମଧ୍ୟରେ ବିବାଦ ଜାରି ରହିଛି। ଏଥିସହିତ ସମାଧାନ ବଦଳରେ ରାଜନୈତିକ ଦଳମାନେ ଦିଲ୍ଲୀର ଅବସ୍ଥା ପାଇଁ ପରସ୍ପରକୁ ଦାୟୀ କରିବାକୁ ଲାଗିଛନ୍ତି।
ପଞ୍ଜାବରେ ଫସଲ ଜଳିବା ପାଇଁ ଚାଷୀଙ୍କୁ ଦାୟୀ କରାଯାଉଛି। ସରକାର ନିଜକୁ ଦୋଷରୁ ରକ୍ଷା କରୁଛନ୍ତି । ଏଥିସହିତ କୃଷକମାନେ ଦାବି କରିଛନ୍ତି ଯେ ସେମାନେ ଏପର୍ଯ୍ୟନ୍ତ ସରକାରଙ୍କଠାରୁ କୌଣସି ସହାୟତା ପାଇନାହାଁନ୍ତି। ଫେରୋଜପୁରର ଚାଷୀ ଦିଲୀପ ସିଂ କହିଛନ୍ତି ଯେ ସେ ଚଳିତ ବର୍ଷ ଫସଲ ଜଳା ହୋଇନାହିଁ କିନ୍ତୁ କ୍ଷତିପୂରଣ ପାଇଁ କାହା ସହ ଯୋଗାଯୋଗ କରିବେ ସେ ଜାଣି ନାହାଁନ୍ତି।
ଏଥି ସହିତ ସରକାର କହିଛନ୍ତି ଯେ ଯେଉଁ ଚାଷୀମାନେ ଫସଲ ଜାଳିନାହାଁନ୍ତି ସେମାନଙ୍କୁ ନଭେମ୍ବର 30, 2019 ସୁଦ୍ଧା ସଂପୃକ୍ତ ପଞ୍ଚାୟତରେ ଏକ ଆତ୍ମ ଘୋଷଣା ପତ୍ର ଦାଖଲ କରିବାକୁ ଥିଲା। ସରକାରଙ୍କ ଅନୁଯାୟୀ କ୍ଷତିପୂରଣ ରାଶି ଯୋଗ୍ୟ ଚାଷୀଙ୍କ ବ୍ୟାଙ୍କ ଆକାଉଣ୍ଟରେ ସିଧାସଳଖ ଜମା ହେବ। ଅନ୍ୟପକ୍ଷେ କଂଗ୍ରେସ ବିଧାୟକ କୁଲଦୀପ ସିଂ ବୈଦ କହିଛନ୍ତି ଯେ ଏ ସମ୍ପର୍କରେ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦରଙ୍କ ସହ ଆଲୋଚନା ହୋଇଛି। କ୍ଷତିପୂରଣ ପ୍ରସଙ୍ଗରେ ସରକାର କାର୍ଯ୍ୟ କରୁଛନ୍ତି।
ଅନ୍ୟପକ୍ଷେ ଦିଲ୍ଲୀରେ ପ୍ରଦୂଷଣ ବଢିବାର କାରଣ ପଞ୍ଜାବରେ ଫସଲ ଜଳିବା କାରଣରୁ କେଜ୍ରିୱାଲ କହୁଥିବା ବେଳେ କ୍ୟାପଟେନ ଅମରିନ୍ଦର କିନ୍ତୁ ଏହାକୁ ନେଇ ଟାର୍ଗେଟ କରିଛନ୍ତି । ସେ କହିଛନ୍ତି ଯେ, ନିଜ ଭୁଲକୁ ଲୁଚାଇବା ପାଇଁ ମିଛ କହିବା ବନ୍ଦ କରନ୍ତୁ । କେନ୍ଦ୍ର ପରିବେଶ ମନ୍ତ୍ରୀ ପ୍ରକାଶ ଜାଭେଡକର କହିଛନ୍ତି ଯେ, ପଞ୍ଜାବରେ ଫସଲ ଜଳିବା କାରଣରୁ ଦିଲ୍ଲୀରେ 4 ପ୍ରତିଶତ ପ୍ରଦୂଷଣ ହୋଇଛି ।
