ନୂଆଦିଲ୍ଲୀ: ପ୍ରାୟ 7 ମାସ ପରେ ବର୍ତ୍ତମାନ ପର୍ଯ୍ୟଟକଙ୍କୁ ଦେଖିବାକୁ ମିଳିବ ବିଶ୍ବର ଉଚ୍ଚତମ ପ୍ରତିମୂର୍ତ୍ତୀ ଷ୍ଟାଚ୍ୟୁ ଅଫ୍ ୟୁନିଟି । ଅକ୍ଟୋବର 17ରୁ ଏହି ପର୍ଯ୍ୟଟନ ସ୍ଥଳୀ ଖୋଲିବାକୁ ଯାଉଛି । ମାର୍ଚ୍ଚରେ କରୋନା ସଂକ୍ରମଣ ହେତୁ ଏହାକୁ ବନ୍ଦ ରଖାଯାଇଥିଲା ।
ଅକ୍ଟୋବର 17 ରୁ ଗୁଜୁରାଟରେ ମଧ୍ୟ ନବରାତ୍ରୀ ମହୋତ୍ସବ ଆରମ୍ଭ ହେଉଛି । ଏହି କାରଣରୁ ଏଠାରେ ବହୁ ସଂଖ୍ୟାରେ ଜନସମାଗମ ହେବାର ଆଶଙ୍କା ରହିଛି । ଷ୍ଟାଚ୍ୟୁ ଅଫ୍ ୟୁନିଟି ଦେଶର ସର୍ବାଧିକ ରୋଜଗାର କରୁଥିବା ପର୍ଯ୍ୟଟନସ୍ଥଳୀ ମଧ୍ୟରୁ ଅନ୍ୟତମ । ଗୁଜରାଟ ସରକାର କୋରୋନା ପରେ ଏଠାକୁ ଆସିବା ସମ୍ବନ୍ଧୀୟ ନିର୍ଦ୍ଦେଶନାମା ଜାରି କରିଛନ୍ତି।
କୋଭିଡ-19 ର ନିର୍ଦ୍ଦେଶାବଳୀକୁ କଡାକଡି ଭାବେ ପାଳନ କରାଯାଇ ଏହାକୁ ଖୋଲାଯିବ । ସାମାଜିକ ଦୂରତାକୁ ପାଳନ କରିବାକୁ ଦୈନିକ କେବଳ ଅଢେଇ ହଜାର ପରିଦର୍ଶକ ଏଠାକୁ ଆସିବାକୁ ଅନୁମତି ପାଇବେ । ସେଥିମଧ୍ୟରୁ କେବଳ 500 ଲୋକଙ୍କୁ 193 ମିଟର ଉଚ୍ଚ ଗ୍ୟାଲେରୀ ପରିଦର୍ଶନ କରିବାକୁ ଅନୁମତି ଦିଆଯିବ ।
ପ୍ରକାଶଥାଉକି, ଏହା ପୂର୍ବରୁ ନର୍ମଦା ନିଗମ ଦ୍ବାରା ନିର୍ମିତ ସଫାରି ପାର୍କ ଆରମ୍ଭ ହୋଇଥିଲା । ଏକାସାଙ୍ଗରେ ଏକତା ମଲ୍, ନ୍ୟୁଟ୍ରିସନ୍ ପାର୍କ ମଧ୍ୟ ଆରମ୍ଭ ହୋଇଛି । ଏଥିସହ ଅକ୍ଟୋବର 31 ରେ ଜାତୀୟ ଏକୀକରଣ ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେଭାଡିଆ ସ୍ଥାନ ପରିଦର୍ଶନ କରିବେ ବୋଲି ଆଶା କରାଯାଉଛି। ଖୁବ ଶୀଘ୍ର ଅହମ୍ମଦାବାଦର କେଭାଡିଆ ଠାରୁ ସାବରମତୀ ପର୍ଯ୍ୟନ୍ତ ସାମୁଦ୍ରିକ ସେବା ମଧ୍ୟ ଆରମ୍ଭ ହେବ।
