କଂଗ୍ରେସ ପ୍ରତିଷ୍ଠା ଦିବସ: ଦିଲ୍ଲୀ କଂଗ୍ରେସ ଭବନରେ ଧ୍ବଜା ଉତ୍ତୋଳନ କଲେ ସୋନିଆ ଗାନ୍ଧୀ

134ତମ ପ୍ରତିଷ୍ଠା ଦିବସରେ ପାର୍ଟି ମୁଖ୍ୟାଳୟରେ ପତାକା ଉତ୍ତୋଳନ କରିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ । ଏହି ଅବସରରେ ନେତାମାନେ ବନ୍ଦେମାତରମ ଗାନ କରିଛନ୍ତି । ଅଧିକ ପଢନ୍ତୁ...

ନୂଆଦିଲ୍ଲୀ: ଭାରତୀୟ ଜାତୀୟ କଂଗ୍ରେସର 134ତମ ପ୍ରତିଷ୍ଠା ଦିବସରେ ପତାକା ଉତ୍ତୋଳନ କରିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ । ଦିଲ୍ଲୀ କଂଗ୍ରେସ ଭବନରେ ସୋନିଆ ପତାକା ଉତ୍ତୋଳନ କରିଛନ୍ତି । କଂଗ୍ରେସର ସ୍ଥାପନା ଦିବସରେ ଦିଲ୍ଲୀ ଓ ରାଜ୍ୟରେ ଥିବା ପାର୍ଟି ମୁଖ୍ୟାଳୟରେ ଧ୍ବଜା ଉତ୍ତୋଳନ ପରମ୍ପରା ରହିଛି ।

ଦିଲ୍ଲୀ କଂଗ୍ରେସ ମୁଖ୍ୟାଳୟରେ ଧ୍ବଜା ଉତ୍ତୋଳନ କାର୍ଯ୍ୟକ୍ରମରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ, ମୋତିଲାଲ ବୋରା, ଏକେ ଆଣ୍ଟୋନୀ ଓ ରାହୁଲ ଗାନ୍ଧୀଙ୍କ ସମେତ ଅନେକ ବରିଷ୍ଠ ନେତା ଉପସ୍ଥିତ ଥିଲେ । ଏହି ଅବସରରେ ନେତାମାନେ ବନ୍ଦେମାତରମ ଗାନ କରିଛନ୍ତି । ଦେଶରେ ସିଏଏକୁ ନେଇ ଚାଲିଥିବା ବିରୋଧ ମଧ୍ୟରେ କଂଗ୍ରେସ ପକ୍ଷରୁ ଶନିବାର 'ସମ୍ବିଧାନ ବଞ୍ଚାଅ' ରାଲି ବାହାର କରାଯିବ ।