ପାଟଣା: ଆସନ୍ତାକାଲି ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ । 71ଟି ଆସନ ପାଇଁ ମତଦାନ ଗ୍ରହଣ କରାଯିବ । ଏହାର ଠିକ ଗୋଟିଏ ଦିନ ପୂର୍ବରୁ କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀ କେନ୍ଦ୍ର ଓ ବିହାର ସରକାରଙ୍କୁ ଟାର୍ଗେଟ କରିଛନ୍ତି । ସୋନିଆ ଗାନ୍ଧୀ ଭିଡିଓ ଜାରି ଉଭୟ ସରକାରଙ୍କୁ ସମାଲୋଚନା କରିଛନ୍ତି । ପ୍ରଥମ ପର୍ଯ୍ୟାୟ ମତଦାନ ପାଇଁ ଗତ ରବିବାର ପ୍ରଚାର ପ୍ରସାର ଶେଷ ହୋଇଥିବାବେଳେ ଆଜି ସୋନିଆ ଗାନ୍ଧୀ ଏହି ବିହାରବାସୀଙ୍କ ଉଦ୍ଦେଶ୍ୟରେ ଭିଡିଓ କରିଛନ୍ତି । ଯାହାକୁ ରାହୁଲ ଗାନ୍ଧୀ ସେୟାର କରିଛନ୍ତି ।
ବିହାର ସରକାର ନିଜର କ୍ଷମତା ଓ ଅହଙ୍କାରରେ ବୁଡି ରହିଛି । ଜନତାଙ୍କ ପାଇଁ ସେମାନେ କୌଣସି ଭଲ କାମ କରୁନାହାଁନ୍ତି । କୃଷକଙ୍କ ଠାରୁ ଯୁବକ ସମସ୍ତେ ଏଠି ନିରାଶ । ଦୁର୍ବଳ ଅର୍ଥବ୍ୟବସ୍ଥା ଲୋକଙ୍କ ଜୀବନ ଉପରେ ଭାରି ପଡିଛି ବୋଲି ସୋନିଆ ଗାନ୍ଧୀ ଭିଡିଓ ଜରିଆରେ ବିହାରବାସୀଙ୍କୁ କହିଛନ୍ତି । ଏ ମାଟିର ପୁଅଙ୍କ ଉପରେ ଆଜି ଗମ୍ଭୀର ସଙ୍କଟରେ ଗତି କରୁଛି । ଦଳିତ ଓ ମହାଦଳିତ ପରିବାର ନାନା ସମସ୍ୟାର ସମ୍ମୁଖୀନ ହେଉଛନ୍ତି । ସମାଜର ପଛୁଆ ବର୍ଗ ମଧ୍ୟ ଏହାର ଶିକାର ହୋଇଛନ୍ତି । ବିହାର ଜନତା କଂଗ୍ରେସର ମହାମେଣ୍ଟ ଦଳ ସହିତ ରହିଛନ୍ତି ସୋନିଆ କହିଛନ୍ତି ।
କେନ୍ଦ୍ରସରକାରଙ୍କ ନୋଟ ବନ୍ଦୀ ଓ ତାଲା ବନ୍ଦୀକୁ ନେଇ ସୋନିଆ କହିଛନ୍ତି ଦିଲ୍ଲୀ ଓ ବିହାରର ସରକାର ବନ୍ଦୀ । ନୋଟ ବନ୍ଦୀ ଓ ତାଲାବନ୍ଦ ଯୋଗୁଁ ଦେଶ ବେପାରୀ ବନ୍ଦୀ, ଆର୍ଥିକବନ୍ଦୀ, ଚାଷଜମି ବନ୍ଦୀ ଓ ରୁଟି ରୋଜଗାର ବନ୍ଦୀ ହୋଇପଡିଛି । ତେଣୁ ବିହାରର ଲୋକମାନେ ବନ୍ଦୀ ସରକାର ବିରୋଧରେ ଏକ ନୂଆ ବିହାର ନିର୍ମାଣ କରିବାକୁ ପ୍ରସ୍ତୁତ ଅଛନ୍ତି । ବର୍ତ୍ତମାନ ପରିବର୍ତ୍ତନର ସମୟ । ପରିବର୍ତ୍ତନୀ ହିଁ ଉତ୍ସାହ, ଶକ୍ତି ଓ ନୂତନ ଚିନ୍ତାଧାର ସହ ନୂତନ ଇତିହାସ ଲେଖିବାର ସମୟ ଆସିଯାଇଛି ବୋଲି କଂଗ୍ରେସ ଅଧ୍ୟକ୍ଷ କହିଛନ୍ତି ।