ମୁମ୍ବାଇ: ମହାରାଷ୍ଟ୍ର ସୋଲାପୁର ଅଞ୍ଚଳରେ ମର୍ମନ୍ତୁଦ ସଡକ ଦୁର୍ଘଟଣା । ଦେବ ଦର୍ଶନ କରିବାକୁ ଯାଉଥିବା ବେଳେ ଟ୍ରକ ପିଟିଦେବାରୁ ଘଟଣାସ୍ଥଳରେ ହିଁ ଗୋଟିଏ ପରିବାରର 6 ଜଣଙ୍କ ଜୀବନ ଯାଇଛି । ଅନ୍ୟପଟେ ଏହି ଘଟଣାରେ ଅନ୍ୟ 2 ଜଣ ଗୁରୁତର ଆହତ ହୋଇଥିବା ଜଣାପଡିଛି ।
ସୂଚନା ଅନୁସାରେ, ଶନିବାର ସକାଳ ସମୟରେ ଏହି ଦୁର୍ଘଟଣା ଘଟିଥିଲା । ସୋଲାପୁରର ପନ୍ଧାରପୁର-ମଲସିରାଜ ଅଞ୍ଚଳରେ ଏହି ବଡ ଦୁର୍ଘଟଣା ଦେଖିବାକୁ ମିଳିଛି । ମୃତକ ହେଲେ ଗୋଟିଏ ପରିବାରର ଶିବରାଜ ଫଲଫଲେ, ଦିନାନାଥ ଫଲଫଲେ, ବନିତା ଶିବାରାଜ ଫଲଫଲେ, ଉତ୍କର୍ଷ ଶିବରାଜ ଫଲଫଲେ, ଉନ୍ନତି ଶିବରାଜ ଫଲଫଲେ ଓ ପର୍ଭାତି ମହାଦେବ ଫଲଫଲେ ।