ଟ୍ରକ-କାର ଧକ୍କାରେ ଲିଭିଗଲା 6 ଜୀବନ ଦୀପ

ମହାରାଷ୍ଟ୍ରର ସୋଲାପୁର ଜିଲ୍ଲାର ପନଧାରପୁର-ମାଲଶିରସ ରୋଡରେ ମର୍ମନ୍ତୁଦ ଦୁର୍ଘଟଣା । ଟ୍ରକ ଓ କାର ମଧ୍ୟରେ ଦୁର୍ଘଟଣା ଘଟି ଗୋଟିଏ ପରିବାରର 6ଜଣ ପ୍ରାଣ ହରାଇଛନ୍ତି ।

ମୁମ୍ବାଇ: ଟ୍ରକ-କାର ମଧ୍ୟରେ ଧକ୍କା ହୋଇ ଲିଭିଗଲା ଗୋଟିଏ ପରିବାର 6ଟି ଜୀବନ ଦୀପ । ଏଥିସହ ଦୁଇ ଜଣ ଗୁରୁତର ଆହତ ମଧ୍ୟ ହୋଇଛନ୍ତି । ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ମହାରାଷ୍ଟ୍ରର ସୋଲାପୁର ଜିଲ୍ଲାର ପନଧାରପୁର-ମାଲଶିରସ ରୋଡରେ । ଶନିବାର ସକାଳେ ଘଟିଛି ଏହି ଦୁର୍ଘଟଣା ।

ପୋଲିସର ସୂଚନା ଅନୁଯାୟୀ, ମୃତକ ମାନେ ସମସ୍ତେ ସୋଲାପୁର ଜିଲ୍ଲା ବର୍ଶି ତହସିଲ ଅଞ୍ଚଳର । ଏମାନେ ସମସ୍ତେ ପୁଣେ ସ୍ଥିତ ଜେଜୁରି ମନ୍ଦିରକୁ ଦର୍ଶନ ପାଇଁ ଯାଉଥିବା ଘଟିଛି ଦୁର୍ଘଟଣା । ମୃତକମାନେ ହେଲେ ଶିବରାଜ ଫଲଫାଲେ, ଦିନନାଥ ଫଲଫାଲେ, ବନିତା ଫଲଫାଲେ,ଉତ୍କର୍ଶ ଶିବରାଜ ଫଲଫାଲେ, ଉନ୍ନତି ଶିବରାଜ ଫଲଫାଲେ ଓ ପାର୍ବତୀ ମହାଦେବ ଫଲଫାଲେ । ଆହତ ମାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ