ଲକ୍ଷ୍ନୌ: ଏନକାଉଣ୍ଟରରେ ନିହତ ହୋଇଥିବା ଗ୍ୟାଙ୍ଗଷ୍ଟର ବିକାଶ ଦୁବେ ଏବଂ ତାଙ୍କ ଗ୍ୟାଙ୍ଗ ବିରୋଧରେ ତଦନ୍ତ କରୁଥିବା ଏସଆଇଟିକୁ ଏହାର ତଦନ୍ତ ରିପୋର୍ଟ ଦାଖଲ କରିବାକୁ ସରକାର ଚାରି ସପ୍ତାହ ଅତିରିକ୍ତ ସମୟ ଦେଇଛନ୍ତି । ବର୍ତ୍ତମାନ ଏସଆଇଟି 28 ଅଗଷ୍ଟରେ ଏହାର ଅନୁସନ୍ଧାନ ରିପୋର୍ଟ ଉପସ୍ଥାପନ କରିବ । କାନପୁରରେ ଆଠ ଜଣ ପୋଲିସ କର୍ମଚାରୀଙ୍କ ହତ୍ୟା ପରେ ଏନକାଉଣ୍ଟରରେ ନିହତ ହୋଇଥିବା ଅଭିଯୁକ୍ତ ବିକାଶ ଦୁବେଙ୍କ ଅପରାଧିକ ଇତିହାସ ଅନୁସନ୍ଧାନ ପାଇଁ 11 ଜୁଲାଇରେ ଏସଆଇଟି ଟିମ୍ ଗଠନ କରାଯାଇଥିଲା।
ଏସଆଇଟିରେ ଅତିରିକ୍ତ ମୁଖ୍ୟ ଶାସନ ସଚିବ ସଞ୍ଜୟ ଭୁସରେଡ୍ଡି, ଏଡିଜି ହରିରାମ ଶର୍ମା ଏବଂ ଡିଆଇଜି ଜେ ରବିନ୍ଦ୍ର ଗୌଡ଼ଙ୍କୁ ନେଇ ଗଠିତ । ଏହି ପ୍ୟାନେଲ ଜୁଲାଇ 31 ସୁଦ୍ଧା ଏହାର ତଦନ୍ତ ଶେଷ କରି ସରକାରଙ୍କୁ ରିପୋର୍ଟ ଦାଖଲ କରିବାର ଥିଲା, କିନ୍ତୁ ଏହାର ତଦନ୍ତ ଶେଷ ହୋଇନଥିବାରୁ ଏସଆଇଟି ସରକାରଙ୍କଠାରୁ ଅତିରିକ୍ତ ସମୟ ମାଗିଥିଲେ, ଯାହା ପରେ ଏହାର ତଦନ୍ତ ଶେଷ କରିବାକୁ ଚାରି ସପ୍ତାହ ଅତିରିକ୍ତ ସମୟ ଦିଆଯାଇଛି ବୋଲି ଗୃହ ବିଭାଗର ବରିଷ୍ଠ ଅଧିକାରୀମାନେ କହିଛନ୍ତି ।